Ermənistan tərəfi açıqlama yayıb

Ermənistan öz təhlükəsizliyi naminə Qərb dövlətləri ilə münasibətləri gücləndirir, bu, Rusiyaya qarşı yönəlməyib.

 

Oxu24.com TASS -a istinadən  xəbər verir ki, bunu baş nazir Nikol Paşinyanın “Mülki müqavilə” partiyasının üzvü, parlamentin regional məsələlər və Avrasiya inteqrasiyası məsələləri üzrə daimi komissiyasının sədr müavini Vaqarşak Akopyan deyib.

 

“Ermənistan Respublikası bir ölkə ilə münasibətlərini dərinləşdirəndə onlar başqa ölkəyə, xüsusən də bizim müttəfiqimiz Rusiya Federasiyasına qarşı yönəlmir”, - Akopyan bildirib.

 

Onun sözlərinə görə, Ermənistan Qərb dövlətləri ilə münasibətləri yalnız iqtisadi inkişaf və ölkənin təhlükəsizliyinin yaxşılaşdırılması naminə “dərinləşdirir”.

 

O əlavə edib ki, İrəvan Ermənistanın xeyrinə hərəkət edir.

 

Bundan əvvəl “Valday” Beynəlxalq Diskussiya Klubunun İnkişaf və Dəstək Fondunun idarə heyətinin rəhbəri Andrey Bıstritski gec-tez Rusiya ilə Ermənistan arasında münasibətlərdə yaxşılaşmanın olacağı fikrini bildirmişdi.

 

Bundan əvvəl Zaxarova bildirib ki, dünyanın gözü qarşısında Ermənistan Qərb ideyalarının həyata keçirilməsi üçün alətə çevrilir.

 

Nigar