Fransa Ukraynanı zirehli transportyorlar və raketlərlə təmin edəcək

Fransa özünü Rusiyanın silahlı təcavüzündən müdafiə edən Ukraynanı hava hücumundan müdafiə üçün yüzlərlə zirehli transportyor və raketlə təmin edəcək.

 

Oxu24.com  xəbər  verir  ki, Fransanın müdafiə naziri Sebastien Lecornu şənbə günü, martın 30-da axşam saatlarında “La Tribune” nəşrinə müsahibəsində bildirib.

Nazir qeyd edib ki, VAB zirehli transportyorları qoşunların hərəkətliliyini təmin etmək üçün həyati əhəmiyyət kəsb edir.

 

“2024-cü ildə və 2025-ci ilin əvvəlində yüzlərlə belə zirehli transportyoru təhvil verəcəyik”, o əlavə edib.

 

Fransa hazırda çoxunun yaşı 40-dan yuxarı olan VAB zirehli transportyorlarından ibarət donanmasını müasir Qriffon zirehli transportyorları ilə əvəz edir. "Ancaq köhnə modellər hələ də istifadə edilə bilər",-deyə  Lecornu bildirib.

 

Bundan əlavə, Paris Kiyevə SAMP/T hava hücumundan müdafiə sistemləri üçün Aster-30 raketlərinin yeni partiyasını verəcək.

Ukrayna müttəfiqlərinə dəfələrlə xəbərdarlıq edib ki, təcili olaraq əlavə maliyyə və hərbi yardıma ehtiyacı var.

 

Hazırda Vaşinqtonda Ukraynaya 60 milyard dollarlıq yeni hərbi yardım paketinin qarşısı alınıb. Müxalif Respublikaçılar bu il yüksək hökumət postuna yenidən seçilmək istəyən keçmiş ABŞ prezidenti Donald Trampın göstərişi ilə buna mane olurlar.

 

Fransa keçmişdə Almaniyaya nisbətən Ukraynaya çox az hərbi yardım göstərdiyinə görə tez-tez tənqid olunurdu.

 

Nigar