Qırğızıstan prezident üçün təyyarə alıb

Qırğızıstan hakimiyyəti dövlətin yüksək vəzifəli şəxslərinin səfərləri üçün A-320 təyyarəsi alıb.

 

Oxu24.com  xəbər  verir  ki, Bu barədə TASS hökumətin mətbuat xidmətinə istinadən məlumat yayıb.

 

“Airbus A320 təyyarəsi, yeni 1 nömrəli təyyarə Qırğızıstan Respublikasına gəlib”, - məlumatda deyilir.

 

Qeyd olunur ki, təyyarəni Qırğızıstan Nazirlər Kabinetinin sədri, Prezident Administrasiyasının rəhbəri Akılbek Japarov qarşılayıb.

 

Alınan A-320 təyyarəsinin 2002-ci ildə istehsal olunduğu məlumdur, kimdən alındığı barədə məlumat verilmir.

 

Hökumət başçısı qeyd etdi ki, respublika “inkişaf yoluna qədəm qoyub”, büdcə hesabına xüsusi və hərbi texnika, qabaqcıl tibbi avadanlıqlar, ictimai nəqliyyat alınır.

 

Bundan əvvəl Qırğızıstan Xarici İşlər Nazirliyi vətəndaşlarına burada tətbiq edilən gücləndirilmiş təhlükəsizlik tədbirləri ilə əlaqədar Rusiyaya səfərlərdən müvəqqəti çəkinməyi tövsiyə etmişdi.

 

Nigar