Tanzaniya XİN rəhbəri Lavrovla danışıb

Tanzaniyanın xarici işlər naziri Liberata Mulamula Rusiya xarici işlər naziri Sergey Lavrovla söhbətində Crocus City Hall konsert zalında törədilən terror aktını pisləyib.

 

Oxu24.com  xəbər  verir  ki, bu barədə RİA Novosti məlumat yayıb.

 

Martın 28-də nazirlər telefon danışığı keçiriblər, söhbət zamanı iki ölkə arasında əlaqələrin inkişafı müzakirə olunub və müxtəlif sahələrdə Rusiya-Tanzaniya əməkdaşlığının dərinləşdirilməsinə qarşılıqlı hazır olduqları təsdiqlənib.

 

"Tanzaniya Xarici İşlər Nazirliyinin rəhbəri Crocus City Hall konsert zalında törədilən vəhşi terror aktını qətiyyətlə pisləyib", - Rusiya Xarici İşlər Nazirliyi qeyd edib.

 

Mulamula faciə ilə bağlı dərin hüznlə başsağlığı verib, terror aktı nəticəsində yaxınlarını itirmiş ailələrə dəstək və başsağlığı sözlərini çatdırmağı xahiş edib. O, həmçinin zərərçəkənlərin tezliklə sağalmasını arzulayıb.

 

Martın 22-də axşam saatlarında Krasnoqorskdakı Crocus City Hall konsert zalında terror aktı baş verib.

 

Piknik qrupunun çıxışından əvvəl silahlı şəxslər zala soxularaq tamaşaçılara atəş açıblar. Bundan sonra silsilə partlayış səsləri eşidilib və yanğın başlayıb. Rusiya Federasiyasının İstintaq Komitəsi terror aktı (Rusiya Federasiyası Cinayət Məcəlləsinin 205-ci maddəsi) ilə cinayət işi açıb.

 

Nigar