Başqırdlı bloqqer Crocusda terror aktı ilə bağlı yayımladığı videoya görə saxlanılıb

Polis Başqırdıstan sakini Rüstəm Absalyamovu terrora haqq qazandırmaqda şübhəli bilinərək saxlayıb.

 

Oxu24.com  xəbər  verir  ki, bu barədə RİA Novosti hüquq-mühafizə orqanlarındakı mənbəyə istinadən məlumat yayıb.

 

“Adam Başqırdıstanda saxlanılıb, onun barəsində Rusiya Federasiyası Cinayət Məcəlləsinin 205.2-ci maddəsi ilə cinayət işi açılıb”, - deyə onlar jurnalistlərə bildiriblər.

 

Müstəntiqlərin fikrincə, bloqqer bir sıra yayımlar aparıb və o, bildirib ki, Crocus City Hall-da baş verənlərlə bağlı matəm yalnız Moskvada mövcuddur və bu, “ayrı-ayrı dövlət”dir.

 

Absalyamov artıq dediyi sözlərə görə ictimaiyyətdən üzr istəyib və özünün dediklərini qeyri-insani adlandırıb.

 

Bundan əvvəl Rusiya sosial şəbəkələrdə “Crocus” terrorçularının “yanlış sayt” seçdiyini yazan “New Holland”ın keçmiş baş direktoru Nikolay Konaşenkonu saxlayıb. Onun barəsində də terrorçuluğa ictimai bəraət qazandırmaq maddəsi ilə iş açılıb.

 

Qeyd olunur ki, həbs zamanı Konaşenok Pulkovo hava limanında olub və Ermənistana uçmağa cəhd edib.

 

Nigar