ABŞ Prezidenti Co Bayden yenidən Rusiya lideri Vladimir Putinə qarşı təhqiramiz bəyanatla çıxış edib.

TASS xəbər verir ki, ABŞ Prezidenti Rusiya liderini bu dəfə “qəssab” adlandırıb.

Bayden bu sözləri Şimali Karolinada çıxışı zamanı deyib.

“Bizim görə biləcəyimiz çox vacib işlər var, o cümlədən qəssab Putinə qarşı Ukraynaya kömək etmək”, - Bayden bildirib.

Qeyd edək ki, Rusiya Ukrayna ərazilərini işğal etməyə başlayandan bəri Bayden dəfələrlə Putin haqqında xoşagəlməz açıqlamalar verib, onu “diktator”, “hərbi cinayətkar”, “qəssab” və s. adlandırıb.

Putin isə VGTRK jurnalisti Pavel Zarubinin sualını cavablandırarkən Baydenin bu hücumlarını onun haqlılığının təsdiqi adlandırıb.