Putin Vyetnama səfərə dəvət olunub

Vyetnam Xəbər portalı xəbər verir ki, Vyetnam Kommunist Partiyası Mərkəzi Komitəsinin baş katibi Nquyen Phu Tronq Rusiya prezidenti Vladimir Putini Vyetnama rəsmi səfərə dəvət edib.

 

Oxu24.com  xəbər  verir  ki, “Baş katib Tronq fürsətdən istifadə edərək prezident Putinə yaxın gələcəkdə Vyetnama səfər etmək üçün dəvət göndərdi...”, məqalədə qeyd edilir.

 

Müəllif qeyd edir ki, Putin “dəvəti məmnuniyyətlə qəbul edib və hər iki tərəfin öz hərəkətlərini əlaqələndirəcəkləri və uyğun tarixləri razılaşdıracaqları barədə razılığa gəliblər”.

 

Kremlin mətbuat xidmətinin məlumatına görə, iki ölkə liderləri arasında telefon danışığı Vyetnam tərəfinin təşəbbüsü ilə baş tutub. Baş katib Crocus City Hall-da baş vermiş terror aktı ilə bağlı dərin hüznlə başsağlığı verib.

 

Söhbət zamanı həmçinin ticarət-iqtisadi, elmi-texniki əməkdaşlıq məsələləri müzakirə olunub. Putin və Nquyen Phu Trong ölkələrin beynəlxalq gündəmdəki əsas məsələlərdə yaxın mövqe tutduqları barədə razılığa gəliblər.

 

Dialoq mehriban və konstruktiv şəraitdə keçib. Rusiya və Vyetnam liderləri müxtəlif səviyyələrdə şəxsi təmasları davam etdirmək barədə razılığa gəliblər.

 

Bundan əvvəl Hindistanın baş naziri Narendra Modi Putinlə telefonla danışıb, o, iki ölkə arasındakı münasibətlərə dair bir sıra məsələləri müzakirə edib, həmçinin BRİKS və ŞƏT kimi beynəlxalq birliklər çərçivəsində birgə işi davam etdirmək niyyətini bildirib.

 

Nigar