Rusiyanın İnterpolun köməyinə ehtiyacı yoxdur

Rusiyanın xarici işlər naziri Sergey Lavrov deyib ki, “Krokus Siti Holl”da baş verən terror aktının araşdırılmasında Rusiyanın İnterpolun köməyinə ehtiyac yoxdur.

 

Oxu24.com  xəbər  verir  ki,  bu  barədə   Rusiya  mətbuatı  məlumat  yayıb.

 

“Birincisi, biz artıq kifayət qədər effektiv və tez bir zamanda öz araşdırmamıza başlamışıq”, - XİN rəhbəri bildirib.

“Bunun öhdəsindən özümüz gələ bilərik. Biz artıq Qərbin ikili standartlarına öyrəşmişik. Biz yalnız Qərbin nəyə və hansı üsullarla nail olmağa çalışdığını anlayaraq hərəkət edəcəyik”, - Lavrov bildirib.

 

Lavrovun sözlərinə görə, terror aktından bir gün sonra Qərbdə Ukraynanın hücumda iştirakının olmadığı barədə bəyanatlar səslənəndə İnterpol istintaqa kömək etməyə hazır olduğunu bəyan edib.

 

Bundan əvvəl İnterpolun baş katibi Yurgen Stok bildirib ki, Beynəlxalq Kriminal Polis Təşkilatı terror aktı ilə bağlı Rusiya hüquq-mühafizə orqanlarına lazımi dəstəyi göstərməyə hazırdır.

 

Miri