Abel Məhərrəmovun milyonluq mülklərinin - Siyahısı: 6 villa və daha nələr...

 Xəbər verdiyimiz kimi, ölkə başçısı Bakı Dövlət Universitetinin rektoru Abel Məhərrəmovu tutduğu vəzifədən azad edib. Oxu24.com  xəbər verir ki, “Unikal.org” 19 il Bakı Dövlət Universitetinin rektoru vəzifəsində çalışmış A. Məhərrəmovun Azərbaycanda dəyəri milyonlarla ölçülən mülkləri ilə bağlı araşdırma edib. Məlum olub ki, eks-rektorun ümumilikdə villalarının sayı 6, külli miqdarda gəlir qazanması üçün restoran və şadlıq saraylarının sayı isə 2-dən çoxdur: Binəqədidə Varovski deyilən ərazidə 2 villa; Quba rayonunda – 1 villa; Xızı rayonunda – 1 villa; Nabranda – 1 villa - istirahət mərkəzi; Şüvəlan qəsəbəsində – 1 villa; Mərdəkan qəsəbəsində – 1 villa; Milli Elmlər Akademiyası yaxınlığında yerləşən milyonerlər məhəlləsində - 1 villa; Nərimanov rayonunda yerləşən – “Monaliza” şadlıq sarayı; 8 mikrorayonda restoran. Bununla belə, Abel Məhərrəmovun paytaxtın ən bahalı yerlərində hündürmərtəbəli binalarda mənzilləri mövcuddur. Təkcə N.Nərimanov heykəlinin yanında mənzilinin dəyəri 1 milyon manatdan yüksəkdir.