Bakı metrosu ilə bağlı MÜJDƏ - Hər kəs bunu gözləyirdi 

Xəbər verdiyimiz kimi, Bakı metrosunun genişləndirilməsi üçün 302 milyon dollar kredit ayrılıb. Bu maliyyələşmə Azərbaycan hökumətinin həyata keçirdiyi və ümumi dəyəri 2,6 milyard dollar olan metro şəbəkəsinin genişləndirilməsi proqramının bir hissəsidir.

Bu məbləğ qarşılığında hansı işlər görüləcək? Yeniliklər nədən ibarətdir?

.

Oxu24.com xəbər verir  ki,Globalinfo.az-a danışan nəqliyyat eksperti Rauf Ağamirzəyev deyib ki, bu proses Bakı Metropolitenində sərnişindaşımanın daha dayanıqlı təşkili üçün müsbət zəmin yaradır:

"Proqram çərçivəsində 9 stansiyanın, 2 deponun və 20 kilometr uzunluğunda yeni tunellərin tikintisi, əlavə 300 metro vaqonunun alınması, həmçinin metropolitenin əməliyyat sistemlərinin modernləşdirilməsi nəzərdə tutulur. Layihənin əsas məqsədi metro xidmətlərinin əhatə dairəsini və daşıma qabiliyyətini artırmaq, Bakı və ətraf ərazilərdə nəqliyyat sıxlığını azaltmaqdır. Artıq işlərin ilk mərhələsini müşahidə edirik. 60 ilə yaxın yaşı olan Bakı Metropoliteninin daha dayanıqlı fəaliyyəti üçün üç xəttin müstəqil işləməsi istiqamətində tədbirlər görülür. Həmçinin qatarların hərəkət intervalının azaldılması və yeni xətlərin tikintisi baxımından bu kredit xüsusi əhəmiyyət daşıyır".

Ekspert bildirib ki, Bakı metrosu yeni inkişaf mərhələsinə qədəm qoyur:

"Mövcud infrastruktur ötən əsrin 70-ci illərinə aiddir və həmin dövr üçün müasir hesab olunurdu. Lakin bu infrastrukturun müasir dövrün tələblərinə uyğun yenilənməsinə, rəqəmsallaşdırılmasına və böyük şəhərin ehtiyaclarını ödəyəcək səviyyəyə çatdırılmasına ehtiyac var. Dövlət proqramında və kredit layihəsində də məhz bu məsələlərin həlli nəzərdə tutulur. Yeni stansiyaların və depoların tikintisi istiqamətində işlər aparılması sevindirici haldır. Hazırda 10 stansiyadan biri hazırlıq mərhələsindədir və tamamlanmaq üzrədir. Yeni deponun istifadəyə verilməsi də Bakı kimi böyük şəhər üçün əhəmiyyətli addımdır.

Növbəti mərhələdə Bakı kimi şəhər üçün ümumi dairəvi metro xəttinin tikintisi də gündəmə gətirilməlidir. Hazırda 27 stansiyası olan metropolitenin sayının 37-yə çatdırılması nəzərdə tutulursa da, Bakı kimi meqapolisdə stansiyaların sayının ən azı 50-yə çatdırılması vacibdir. Bu, şəhərdə hərəkətliliyin təmin olunmasında və sərnişin daşımalarının daha böyük hissəsinin metro vasitəsilə həyata keçirilməsində mühüm rol oynaya bilər".

Həmçinin oxuyun

Məşhurlardan Prezidentə TƏBRİK: Siyahıda Flora Kərimova,Zeynəb Xanlarova,Aygün Kazımova da var

Azərbaycanda saatlıq maaş tətbiq ediləcək – 1 saatın qiyməti bu qədər ola bilər 

Ərdoğanın Azərbaycan səfərinin detalları bəlli oldu 

Prezidentin "general-leytenant”  rütbəsi verdiyi Zaur Rüstəmov KİMDİR?