Leyla Əliyeva COP31 çərçivəsində şəhərlərdə havanın keyfiyyətinin yaxşılaşdırılmasına dair müzakirələrdə iştirak edib
13 Noyabr 2026, 01:52
Qaynar xətt:
(+99450) 247 90 86
CƏMİYYƏT
422
24.08.2026, 01:40
Görkəmli bəstəkar, Xalq artisti professor Tofiq Bakıxanov vəfat edib.
Oxu24.com xəbər verir ki, bu barədə "Report"a Xalq artistinin ailəsindən məlumat verilib.
Tofiq Əhmədağa oğlu Bakıxanov 1930-cu il dekabr ayının 8-də görkəmli tarzən, Azərbaycanın Xalq artisti Əhməd Bakıxanovun ailəsində doğulub.
İlk musiqi təhsilini Üzeyir Hacıbəyov adına Azərbaycan Dövlət Konservatoriyası (indiki Bakı Musiqi Akademiyası) nəzdindəki onillik musiqi məktəbində alıb. Daha sonra Azərbaycan Dövlət Konservatoriyasında iki ixtisas - skripka və bəstəkarlıq üzrə təhsilini davam etdirib.
1990-cı ildə Xalq artisti adı alan sənətçi Azərbaycan musiqi mədəniyyətinin inkişafında uzunmüddətli səmərəli fəaliyyətinə görə Prezident İlham Əliyevin müvafiq sərəncamları ilə "Şöhrət", "Şərəf" və 1-ci dərəcəli "Əmək" ordenləri ilə təltif edilib.
Bəstəkar yarım əsrdən artıq Bakı Musiqi Akademiyasında pedoqoji fəaliyyətlə məşğul olub.
Dünya şöhrətli bəstəkarın yaradıcılığında kamera-instrumental və simfonik janrlı əsərlər üstünlük təşkil edib.
O, üç balet ("Xəzər balladası", "Şərq poeması" və "Xeyir və Şər"), bəstəkar Nəriman Məmmədovla birlikdə yazdığı 3 musiqili komediya ("Altı qızın biri pəri", "Məmmədəli kurorta gedir", "Qız görüşə tələsir"), tar və müxtəlif alətlər ilə simfonik orkestr üçün 25 konsert, 20 sonata, 5 simfonik muğam ("Nəva", "Şahnaz", "Rahab", "Humayun", "Dügah"), 8 simfoniya, 6 simfonik poema, kamera musiqisi sahəsində 26 sonata, müxtəlif tərkibli ansambllar üçün əsərlərin, 100-dən artıq mahnı və romansın müəllifidir.
Paylaş:
01:52 / 13 Noyabr 2026
133
01:49 / 13 Noyabr 2026
71
00:49 / 13 Noyabr 2026
87
00:18 / 13 Noyabr 2026
86
00:17 / 13 Noyabr 2026
105
23:53 / 12 Noyabr 2026
546
23:51 / 12 Noyabr 2026
92
23:40 / 12 Noyabr 2026
140
23:34 / 12 Noyabr 2026
95
23:24 / 12 Noyabr 2026
583
23:20 / 12 Noyabr 2026
95
23:19 / 12 Noyabr 2026
103
23:18 / 12 Noyabr 2026
103
23:12 / 12 Noyabr 2026
100
23:03 / 12 Noyabr 2026
105
23:02 / 12 Noyabr 2026
204
22:59 / 12 Noyabr 2026
99
22:55 / 12 Noyabr 2026
113
22:49 / 12 Noyabr 2026
138
22:40 / 12 Noyabr 2026
110
22:24 / 12 Noyabr 2026
177
22:21 / 12 Noyabr 2026
113
22:13 / 12 Noyabr 2026
125
© 2026 Oxu24.com Müəllif hüquqları qorunur.