Məktəblər bu tarixdə başlayacaq 

Yeni tədris ili ərəfəsində məktəblərdə dərslərin hansı tarixdə başlayacağı ilə bağlı müzakirələr təkrar gündəmə gəlib. Xüsusilə son illərdə Azərbaycanda tədris ilinin başlanma tarixinin sentyabrın 15-i deyil, 1-də başlaması məsələsi valideynlər və şagirdlər arasında maraq doğurur.

Bəs belə bir dəyişiklik mümkündürmü və bununla bağlı qərar gözlənilirmi?

Oxu24.com  xəbər verir ki, məsələ ilə bağlı News24.az-a danışan təhsil eksperti Məzahir Məmmədli bildirib ki, hər yeni tədris ili ərəfəsində bu mövzu gündəmə gəlir, lakin bununla bağlı indiyədək konkret qərar qəbul edilməyib:

"Belə bir dəyişiklik real olsaydı, məsələ əvvəlcədən ictimai müzakirəyə çıxarılıb müxtəlif dairələrin rəyləri öyrənilərdi. Ən azı indidən ictimai müzakirəyə çıxarılardı. Amma təəssüf ki, bu məsələ, yəqin ki, sosial şəbəkələrdə müzakirə olaraq qalacaq. Çünki tədris ilinin başlamasına artıq sayılı günlər qalıb".

Ekspert qeyd edib ki, dərslərin sentyabrın 15-dən sentyabrın 1-nə keçirilməsi sadəcə tarixin dəyişikliyi deyil, bütövlükdə tədris prosesinin strukturunda müəyyən dəyişikliklərin aparılmasını tələb edir.

"Ona görə də düşünmürəm ki, bu ən azı bu il üçün real olsun. Ola bilsin ki, növbəti illərdə bu məsələ yenidən gündəmə gələr. Lakin bunun üçün rəsmi müzakirələr aparılmalı və Elm və Təhsil Nazirliyi tərəfindən müvafiq təkliflər hazırlanmalıdır. Belə bir qərarın qüvvəyə minməsi üçün dövlət qurumlarının rəsmi qərarı, əmri və ya sərəncamı olmalıdır. Sosial şəbəkələrdə aparılan müzakirələr isə bunun üçün kifayət deyil. Hazırkı vəziyyətdə bu il dərslərin sentyabrın 15-dən əvvəl başlaması real görünmür".

News24.az məsələ ilə bağlı Məktəbəqədər və Ümumi Təhsil üzrə Dövlət Agentliyinə sorğu ünvanlayıb. Qurumdan bildirilib ki, məktəblərin sentyabrın 1-də fəaliyyətə başlayacağı ilə bağlı yayılan məlumatlar həqiqəti əks etdirmir.

Agentlik bu cür məlumatlarla bağlı yalnız rəsmi mənbələrə istinad etməyi və yayılan xəbərlərin doğruluğunu həmin mənbələr üzərindən yoxlamağı tövsiyə edib.

Həmçinin oxuyun

81 yaşlı yeni sədrin maraql DOSYESİ

Bu ailələrə müavinət verilə bilər 

 Azərbaycanda unun topdansatış qiyməti bahalaşıb

Androloq kişilərlə bağlı elə məlumatı açıqladı ki,...