Pensiyaçılarla bağlı AÇIQLAMA

Azərbaycanda işləyən pensiyaçıların sayı açıqlanıb. Əmək və Əhalinin Sosial Müdafiəsi Nazirliyi tabeliyində Dövlət Sosial Müdafiə Fondundan bildirilib ki, aprel ayına dair rəsmi statistik hesabata əsasən, əmək pensiyası alan və işləməyə davam edən şəxslərin sayı 152 min 352 nəfər olub. Qeyd edilib ki, onların 105 min 20 nəfəri yaşa görə, 41 min 667 nəfəri əlilliyə görə, 5 min 665 nəfəri isə ailə başçısını itirməyə görə pensiya alan şəxslərdir.

Pensiya alan şəxsin işləməsi onun sosial təminat hüquqlarına və ya gələcək pensiya hesablanmasına necə təsir edir?

Oxu24.com bildirir ki, bununla bağlı hüquqşünas Rəhim Xoyski Demokrat.az-a bildirib ki, Azərbaycanda pensiya alan şəxsin işləməyə davam etməsi onun həm cari pensiya ödənişlərinə, həm də gələcəkdə alacağı pensiya məbləğinin artmasına birbaşa təsir göstərir:

““Əmək pensiyaları haqqında” Azərbaycan Respublikası Qanununa əsasən, işləyən pensiyaçılara yaşa görə əmək pensiyası (və ya onun sığorta hissəsi) tam məbləğdə ödənilir. Yəni, işləmək pensiyanın kəsilməsinə və ya məbləğinin azalmasına səbəb olmur. Əlilliyə görə pensiya alan şəxslər işlədikdə də pensiyalarını tam məbləğdə alırlar. Ailə başçısını itirməyə görə pensiya alan şəxslər işlədikdə də pensiya tam məbləğdə ödənilir. Lakin dövlət qulluqçuları, hərbi qulluqçular və s. kimi qulluq stajına görə əlavələr alan şəxslər öz vəzifələrində çalışmaqda davam etdikdə, qulluq stajına görə əlavələrin 50 faizi ödənilir”.

O deyib ki, işləyən pensiyaçının əməkhaqqından ödənilən sosial sığorta haqları onun fərdi hesabında toplanmağa davam edir:

“İşləyən pensiyaçılar həm pensiyaçı, həm də işçi kimi bütün sosial hüquqlara malikdirlər. Onların işlədiyi dövr sığorta stajına daxil edilir və bu dövrdə yaranan bütün əmək hüquqları (məzuniyyət, xəstəlik vərəqəsi və s.) qorunur. Azərbaycanda pensiyaçıların işləməsi onların pensiyasının azalmasına deyil, əksinə, hər 6 ildən bir və ya işdən çıxdıqda pensiya məbləğinin artmasına gətirib çıxarır”.

Həmçinin oxuyun

Qarabağa köçənlərə böyük MÜJDƏ: Güzəştlər,yeni evlər və daha nələr... — GENİŞ ŞƏRH

Prezident tapşırıq verib: Azərbaycanın rayonlarında köklü dəyişiklik əsasən bu sahələrdə olacaq — RƏSMİLƏR DANIŞIR  

SON DƏQİQƏ! İran gecə saatlarında bəyanat yaydı: Ölkədən çıxın!

DOST Agentliyində yeni TƏYİNATLAR