Azərbaycanda bu ailələrə uşaqlara görə aylıq PUL VERİLƏCƏK  

Mayın 31-i Azərbaycanda Ümumdünya Himayədar Ailə Günü kimi qeyd olunur.

Prezident İlham Əliyevin 2023-cü il 12 iyul tarixində imzaladığı qanunvericilik aktlarına əsasən, ölkəmizdə himayədar ailə institutu tətbiq edilir. Dünyada uşaqlara alternativ qayğı sahəsində geniş istifadə olunan "Himayədar ailə" modeli valideyn himayəsindən məhrum uşaqların müəyyən müddət ərzində dövlət nəzarəti altında, ödənişli əsaslarla ailə mühitində yaşaması və inkişafını, qayğı ilə əhatə olunmasını təmin edir.

Oxu24.com bildirir ki,himayədar ailəyə veriləcək uşaqlara görə müavinətlər təyin edilir.

Müavinət hansı halda təyin olunur?

Himayədar valideynlərlə müvafiq icra hakimiyyəti orqanının müəyyən etdiyi orqan (qurum) arasında uşağın himayədar ailəyə verilməsinə dair müqavilə bağlanıldıqda bu ödəniş edilir.

Müavinətin məbləği nə qədərdir?

Belə ki, himayəyə götürülən 6 yaşadək uşaqlara görə aylıq 355 manat, 7-13 yaş arası uşaqlara görə 375 manat, 14-18 yaş arası uşaqlara görə isə aylıq 395 manat müavinət ödənilir. Əlilliyi olan uşaqlar üçün bu məbləğlər yaş qruplarına uyğun olaraq müvafiq şəkildə 500, 600 və 650 manat təşkil edir.

Müavinət almaq hüququ olan şəxslər

Azərbaycan Respublikasının vətəndaşları, Azərbaycan Respublikasının tərəfdar çıxdığı beynəlxalq müqavilələrdə başqa hal nəzərdə tutulmamışdırsa, Azərbaycan Respublikasının ərazisində daimi yaşayan vətəndaşlığı olmayan şəxslər və əcnəbilər

Tələb olunan sənədlər

Hazırda bu müavinət hər hansı bir dövlət qurumuna müraciət edilmədən hər hansı bir sənəd təqdim edilmədən proaktiv təyin edilir.

Müraciətə baxılması müddəti

Müavinətin proaktiv təyinatı MEİS-ə inteqrasiya edilən dövlət orqanlarının və qurumlarının informasiya ehtiyatlarından və sistemlərindən MEİS-in “Sosial ödənişlər” altsisteminə şəxsin sosial ödənişi almaq hüququnun yaranması ilə bağlı məlumatın daxil olduğu gündən sonrakı 10 (on) iş günü müddətində aparılır. Müraciət edən şəxsin bu qərardan inzibati qaydada yuxarı səlahiyyətli orqana (vəzifəli şəxsə) və məhkəməyə şikayət etmək hüququ var.

Müavinətin keçmiş dövr üçün ödənilməsi

Sosial müavinətlər onu almaq hüququ olduğu təqdirdə ən çoxu müraciət edildiyi tarixdən əvvəlki üç il üçün ödənilir.

Hazırladı: Jalə

Həmçinin oxuyun

SON DƏQİQƏ! Bakıda yaşayanlara vacib xəbər: Dəyişiklik gözlənilir

Әsas və əlavə iş yerində çalışanlar üçün müavinət necə hesablanır?

Dövlət qulluğunda yeni mərhələ: Azərbaycanda hansı islahatlar gözlənilir? – Təhlil  

(18+) 23 yaşlı oğlan bu əməlinə görə  həbs olunub