Sosial yardım almaq istəyənlər bunları BİLMƏLİDİR

CƏMİYYƏT

1187

15.04.2026, 23:22

Sosial yardım alan ailələri düşündürən suallardan biri də ailənin ortaq aylıq gəliri ilə bağlı şərtlə bağlıdır.

Bəs,ailənin ortaq aylıq gəliri hesablanarkən hansı gəlirlər nəzərə alınmır?

Oxu24.com xəbər verir ki, ailənin orta aylıq gəliri hesablanarkən ailənin gəlirindən aşağıdakılar çıxılır:

vergi, sosial sığorta haqları və digər məcburi ödənişlər;

təbii fəlakət (sel, yanğın, epidemiya, zəlzələ, torpaq sürüşməsi), müharibə və digər gözlənilməz bədbəxt hadisələr zamanı dövlət və ya işəgötürən tərəfindən ailəyə göstərilmiş yardımın məbləği (dəyəri);

ailə üzvünə ödənilən birdəfəlik müavinətlər (radiasiya qəzası nəticəsində zərər çəkmiş şəxslərə hər il müalicə üçün müavinət, uşağın anadan olmasına görə müavinət, dəfn üçün müavinət, Azərbaycan Respublikasının işğaldan azad edilmiş ərazilərində işləyən mütəxəssisə ilkin maddi-məişət şəraitinin dəstəklənməsi üçün müavinət, himayədar ailəyə verilmiş uşaqlara mövsümi geyim alınması üçün müavinət, penitensiar müəssisələrdə cəza çəkməkdən azad edilmiş şəxslərə birdəfəlik müavinət və valideyn himayəsindən məhrum olmuş uşaqlara, habelə onların arasından olan şəxslərə ilk dəfə işə düzələn zaman ödənilən birdəfəlik müavinət);

ailə sosial yardım üçün təkrar müraciət etdikdə, ailənin gəliri hesablanan zaman əvvəlki dövr üçün ödənilən sosial yardımın məbləği.

Azərbaycanda “sosial yardım” (ünvanlı dövlət sosial yardımı) sabit bir məbləğ deyil — ailənin vəziyyətinə görə hesablanır.

2026-cı il üçün ehtiyac meyarı: 300 manat (hər ailə üzvü üçün) müəyyən edilib.

Sosial yardım necə hesablanır?

(Ailədəki adam sayı × 300 manat) – ailənin aylıq gəliri hesab olunur.

Sadə misal:

Ailə: 4 nəfər var.

Gəlir: 600 manat

Hesab:

4 × 300 = 1200 manat (ehtiyac)

1200 – 600 = 600 manat sosial yardım

HAZIRLADI: JALƏ