Məişət tullantılarını hansı qurum yığışdırmalıdır?

CƏMİYYƏT

496

24.03.2026, 16:30

Bakı şəhərinin ərazisində bütün bərk məişət tullantılarının yığılması, daşınması və "Təmiz Şəhər" ASC-yə təhvil verilməsi Bakı Şəhər İcra Hakimiyyətinə tapşırılıb.

Oxu24.com xəbər verir ki,tullantılarla bağlı idarəetmənin təkmilləşdirilməsi haqqında Azərbaycan Respublikası Prezidentinin 06.08.2008-ci il tarixli, 2983 nömrəli Sərəncamına əsasən,Bakı şəhərinin ərazisində (Qala qəsəbəsi istisna olmaqla) əmələgəlmə mənbəyindən asılı olmayaraq, bütün bərk məişət tullantılarının yığılması, daşınması və "Təmiz Şəhər" ASC-yə təhvil verilməsi Bakı Şəhər İcra Hakimiyyətinə tapşırılıb.

“Təmiz Şəhər” ASC:

Bakı şəhərinin ərazisində əmələ gələn bütün bərk məişət tullantılarının yerləşdirilməsi və zərərsizləşdirilməsi, həmçinin Bakı şəhərinin Qala qəsəbəsinin ərazisində əmələ gələn belə tullantıların yığılması və daşınması;

Azərbaycan Respublikasında bərk məişət tullantılarının yeni idarəetmə mexanizmi yaradılanadək, işğaldan azad edilmiş ərazilərdə əmələ gələn bərk məişət tullantılarının yığılması, daşınması, yerləşdirilməsi və zərərsizləşdirilməsi, habelə digər təhlükəsiz bərk tullantıların yerləşdirilməsi və zərərsizləşdirilməsi;

Tərtər rayonunda bərk məişət tullantılarının yerləşdirilməsi və zərərsizləşdirilməsi xidmətlərini həyata keçirir.

Yuxarıda göstərilən hallar istisna olmaqla, digər bütün ərazilərdə məişət tullantılarının yığılması və zərərsizləşdirilməsi yerli icra hakimiyyətlərinin kommunal təsərrüfat qurumlarına həvalə edilmişdir.

Jalə

Həmçinin oxuyun