Xalq artisti Bəşir Səfəroğlunun anım günüdür

CƏMİYYƏT

546

23.03.2026, 23:46

Bu gün Azərbaycanın görkəmli teatr və kino aktyoru, Xalq artisti Bəşir Səfəroğlunun Anım günüdür.

11 mart 1925-ci ildə Quba rayonunun Rustov kəndində dünyaya gələn Bəşir Səfəroğlu Azərbaycan realist aktyor məktəbinin ən parlaq nümayəndələrindən biri hesab olunur.

O, yeddi illik təhsilini Bakıda almış, ailə vəziyyətinin çətinliyi səbəbindən məktəbi yarımçıq qoymuşdur. 14 yaşından etibarən şoferlər klubunun dram dərnəyinə qatılaraq sənət yoluna ilk addımlarını atmışdır.

1941-ci ilin sonunda İkinci Dünya müharibəsinə yollanan Bəşir Səfəroğlu 1942-ci ildə kontuziya alaraq geri qayıdır. Bir müddət fəhlə və yük maşını sürücüsü işlədikdən sonra rejissor Niyaz Şərifovun məsləhəti ilə yenidən teatra üz tutur və aktyor kimi fəaliyyətə başlayır.

O, “Əhməd haradadır?”, “Ulduz” filmlərində yaddaqalan obrazlar yaratmış, həmçinin “Xoca Nəsrəddinin 12 qəbri” filmində Xoca Nəsrəddin rolunu canlandırmışdır.

Həmçinin oxuyun

DİQQƏT! Pensiyaçılara ŞAD XƏBƏR

DİN-dən "Əhməd qaçıb" xəbərlərinə RƏSMİ CAVAB +VİDEO

Azərbaycanda YENİLİK: Bu şəxslər də rəhbər vəzifəyə gətirilə bilər

SON DƏQİQƏ! Bakıya uçan təyyarə təcili bu ölkəyə endi

1960-cı illərdə Azərbaycan Dövlət Filarmoniyasında fəaliyyət göstərən “Gəlməli, görməli, gülməli” miniatür teatrında Əliağa Ağayev, Müxlis Cənizadə və Ofeliya Abbasova ilə birlikdə çıxış edərək onlarla satirik obraz yaratmışdır. Onun səhnə çıxışları bu gün dünyada məşhur olan stand-up janrına yaxın üslubda idi.

Sənət uğurlarına görə:

🏅 1964-cü ildə – Azərbaycan SSR Əməkdar artisti

🏅 1968-ci ildə – Azərbaycan SSR Xalq artisti fəxri adlarına layiq görülmüşdür.

Bəşir Səfəroğlu 23 mart 1969-cu ildə, 44 yaşında Bakıda vəfat etmiş və Fəxri Xiyabanda dəfn olunmuşdur.

Allah rəhmət eləsin. 🕊