“Şəhid ailələrinin metrodan ödənişsiz istifadəsi bu halda mümkün olar”- İqtisadçı ekspert açıqladı   

Hazırda ölkədə şəhid ailələrinin metrodan odənişsiz istifadəsi ilə bağlı məlumat yayılsa da, Bakı metropoliteni QSC bu xəbəri təkzib edib. Rəsmi açıqlamaya görə, metrodan ancaq müəyyən  olunmuş şəxslər  ödənişsiz istifadə edir. 

Məlumata görə, həmin qanunvericilik aktları və metrodan ödənişsiz istifadə edə bilən sərnişin kateqoriyaları bunlardır:

Xidməti vəzifələrinin icrası zamanı polis əməkdaşları - “Polis haqqında” qanunun 38-ci maddəsinin IV hissəsinə əsasən xidməti vəzifələrinin icrası zamanı polis əməkdaşları ölkə ərazisində sərnişin nəqliyyatının bütün növlərindən (taksidən və şəhərlərarası nəqliyyatdan başqa) pulsuz istifadə etmək hüququna malikdirlər;

Müddətli həqiqi hərbi xidmət hərbi qulluqçuları - “Hərbi qulluqçuların statusu haqqında” 25 dekabr 1991-ci il tarixli 36 nömrəli qanunun 6-cı maddəsinə görə müddətli həqiqi hərbi xidmət hərbi qulluqçuları sərnişin nəqliyyatının bütün növlərindən (taksidən başqa) pulsuz istifadə edirlər. 3 oktyabr 1997-ci il tarixli, 377-IQ nömrəli qanunla təsdiq edilmiş “Hərbi xidmətkeçmə haqqında” Əsanamənin 4-cü bəndinə, “Hərbi vəzifə və hərbi xidmət haqqında” 23 dekabr 2011-ci il tarixli 274-IVQ nömrəli qanunun 28.2-ci maddəsinə görə müddətli həqiqi hərbi xidmət keçən hərbi qulluqçulara qanunla müəyyən edilmiş müddətlər daxilində həqiqi hərbi xidmət keçən əsgərlər, matroslar və çavuşlar aiddirlər.

7 yaşına qədər uşaqlar - Nazirlər Kabinetinin 19 oktyabr 2010-cu il tarixli 179 nömrəli qərarı ilə təsdiq edilmiş “Bakı Metropolitenindən İstifadə Qaydaları”nın 4.1.1-ci bəndinə əsasən sərnişinlər 7 yaşınadək uşaqlara görə gediş haqqı ödəməmək hüququna malikdirlər;

Rəsmi açıqlamadan da göründüyü kimi,metrodan pulsuz istifadə edən şəxslərin siyahısında şəhid ailələri yer almayıb.

Məlumdur ki,Azərbaycanda şəhid ailələrinə,müharibə iştirakçılarına böyük dövlət qayğısı var.Buna misal olaraq,həmin kateqoriyadan olan ailələrə dövlət tərəfindən pulsuz mənzillərin verilməsi,birdəfəlik ödənişlər,aylıq təqaüdlər və s.imtiyazları göstərmək olar.Belə bir böyük miqyaslı işlərin sırasında  şəhid ailələrinin metrodan ödənişsiz istifadəsi də əlavə oluna bilərmi?

Həmçinin oxuyun

İlham Əliyev fərman imzaladı : Onlar da güzəştli siyahıya salındı

Evinə çıxarış almaq istəyənlərə mühüm XƏBƏR: Bu yolla etmək mümkündür   —   AÇIQLAMA 

Daxili İşlər Nazirliyində Kollegiya iclası keçirilib 

Yeni qərar qəbul OLUNDU:  2 ay sonra qüvvəyə minəcək

Oxu24.com-un  məsələ ilə bağlı sualını  iqtisadçı ekspert Əkrəm Həsənov cavablandırıb.

 Ekspert bildirib ki, “Bakı Metropoliteni” Qapalı Səhmdar Cəmiyyəti (QSC) 17 iyul 2014-cü il tarixdən müstəqil hüquqi şəxsdir.

"Nəzərə almalıyıq ki, məntiqlə  onun gəlirləri xərclərini bağlamalıdır.Bu baxımdan tətbiq edilən istənilən güzəşt təbii ki, onun gəlirlərini azaldır.Əgər metropolitenin gəlirləri xərclərindən çoxdursa, bu zaman o dividend kimi dövlət büdcəsinə ödənilir. Bu halda gəlir büdcəyə gedir. 

Mən bildiyim qədər, metropoliten heç vaxt dividend vermir, onun  gəlirləri heç vaxt xərcindən çox olmur. Bildiyim qədəri ilə əlavə də həmişə dövlətdən vəsait alır. Yəni, burda da eyni  məsələdir:  kiməsə əlavə güzəştlər tətbiq olunacaqsa, gəlirlər daha da azalacaq. Bu zaman  dövlət metropolitenə  əlavə vəsait ayırmalıdır.Əlbəttəki, bu dövlət büdcəsi üçün əlavə bir yükdür. Bilirik ki, büdcədə elə də çox vəsait yoxdur, çünki  ciddi qənaət rejiminə  keçilib”-deyə ekspert vurğulayıb.  

 Əntiqə Rəşid