Vəfat edən neft işçisinin 60 min manatlıq sığorta vəsaiti ailəsinə verilə bilərmi?

CƏMİYYƏT

2177

17.02.2026, 21:57

Son vaxtlar vəfat etmiş şəxslərin pensiya kapitalı və ya sığorta hesabında toplanmış vəsaitlərinin taleyi ilə bağlı suallar tez-tez səsləndirilir. Xüsusilə də yüksək məbləğlərdən söhbət gedəndə ailə üzvləri haqlı olaraq soruşur: “Bu pul hara gedir və biz onu geri ala bilərikmi?”

Oxu24.com xəbər verir ki,mqanunvericiliyə görə, vəfat etmiş şəxsin fərdi hesabında – yəni pensiya kapitalında toplanmış məbləğ birbaşa şəkildə varislərə ödənilmir.

Məbləğin 60 min manat və ya daha az-çox olması hüquqi baxımdan fərq etmir. Həmin vəsait nə şəxsin özünə geri qaytarılır, nə də ölümündən sonra birbaşa övladlarına və ya digər varislərinə verilir.

Qanun bu məsələni belə əsaslandırır ki, toplanmış vəsait ailəyə birbaşa pul şəklində deyil, ailə başçısını itirməyə görə pensiya və ya müavinət formasında təminat mexanizmi ilə çatdırılır. Yəni dövlət sosial təminatı fərqli model üzərindən həyata keçirir.

Bununla belə, cəmiyyətdə bu məsələyə münasibət birmənalı deyil. Müxtəlif dövrlərdə Milli Məclisdə bu vəsaitin heç olmasa müəyyən faizinin ailəyə verilməsi ilə bağlı təkliflər səsləndirilib.

Bir çox hüquqşünaslar da hesab edir ki, bu vəsait şəxsin öz əmək fəaliyyəti nəticəsində formalaşdığı üçün onun müəyyən hissəsinin ailəsinə qaytarılması daha ədalətli olardı.

Lakin hazırda qüvvədə olan qanunvericilikdə belə bir mexanizm nəzərdə tutulmur. Yəni mövcud hüquqi çərçivədə həmin 60 min manatın birbaşa geri alınması mümkün deyil.

Hazırladı: Miri Məcidli

Həmçinin oxuyun