“Ağdam əvvəlkindən də möhtəşəm, ağdamlılar da əvvəlkindən imkanlı olacaqlar”- Ağdamlı ziyalı  

Bu gün növbəti köç karvanı Ağdam şəhərinə çatıb. Beləliklə bu mərhələdə  Ağdam şəhərinə  419 nəfərdən ibarət 120 ailə köçürülüb.

 I Qarabağ müharibəsi veteranı,  Ağdam ictimaiyyətinin ziyalılarından olan həkim Azər Qasımov  məsələ ilə bağlı kövrək hisllərini Oxu24.com-la bölüşüb.

 O, bildirib ki,  nəinki Ağdama, elə Qarabağın hər bucağına gedən köç karvanları bizi bir qarabağlı, bir azərbaycanlı kimi çox sevindirir.Bu gün Ağdama köçənləri izləyirdim.Bir gəncin gözlərindən axan yaşı gördüm, mən də kövrəldim. Hətta o gənc dedi ki, mən Ağdamdan köçkün düşəndə çox balaca olmuşam. Bunu deyirdi və sevindiyindən də göz yaşlarını saxlaya bilmirdi. 

Hələ indiyə qədər Qarabağa gələn bu qədər köç karvanları izləmişəm, hələ bir dəfə birinin  sevinmədiyinə şahid olmamışam. Hamı yurda qayıtmağın, öz ata-baba yurduna  dğnməyin sevincini  yaşayır. Həm sevinirik, həm də qürur hissi keçiririk ki,  torpağımızı geri almaqla dünya çapında pozulmuş ədaləti bərpa etmişik!

Həmçinin oxuyun

Sosial ödənişlərlə bağlı ŞAD XƏBƏR

5 saat işıq OLMAYACAQ - DİQQƏT!

Niyə Müctəba Xamenei rəhbər seçildi? – SEPAH-ın planı 

Buraxılış imtahanı ilə bağlı məsələ böyüyür: Nəticələr ləğv olunacaq? 

Bunu güclü ordumuz,  xalqımız və Ali Baş Komandanla birlikdə ortaya qoyduq. Bu birliyin nəticəsi  bütöv Azərbaycan və azad Qarabağ oldu. Ulu babalardan xalqımıza bir tövsiyə qalıb. Deyir, bir torpağı qorumursansa, onu əkib, becərməyinə dəyməz, bir torpağı əkib -becərmirsənsə, onu qorumağına dəyməz. Bu gün   şəhidlərimizin qanı yerdə qalmadı, canları bahasına qoruduqları  torpaqlarda xalqımız xarüqələr yaradır.Tikilir, qurulur, əkilir, becərilir.

Düşünürəm ki, qarabağlılar, ağdamlılar tam şəkildə  ( daha“köçkünlər” deməyə dilim gəlmir) yurdlarına, evlərinə, doğma ocaqlarına dönəndən sonra yeni  Ağdam da  əvvəlki Ağdamdan  böyük, sevimli, möhtəşəm olacaq, ağdamlılar da əvvəlki vaxtlardan  daha rahat, daha yüksək əhval -ruhiyyədə yaşayacaq, daha xoşbəxt günlərə çıxacaqlar!  Bunu bizə  öz canları bahasına  köç karvanlarının  geri dönməsini təmin edən igid şəhidlərimizin ruhu, igid qazi və veteranlarımızın zəhməti  diktə edir!” deyə Azər Qasımov  vurğulayıb. 

Xatırladaq ki, 27 mart 2025-ci ildə Ağdam rayonunun işğaldan sonra birinci yaşayış məntəqəsi keçmiş köçkünlərin sərəncamına verildi. Prezident İlham Əliyev və birinci xanım Mehriban Əliyeva martın 27-də Ağdam rayonunun Sarıcalı kəndinin birinci mərhələsinin açılışında iştirak etdilər.

 Ağdam şəhərinə isə  Bakıdan ilk köç karvanı  25 dekabr 2025- ci ildə yola düşdü.

Əntiqə Rəşid