Ata Abdullayevin həbsində Ramiz Mehdiyevin əli olub?   —  İLK DƏFƏ ÖZÜ DANIŞDI

Bloqer Ata Abdullayev azadlığa çıxdıqdan sonra həbsinin pərdəarxası ilə bağlı yayılan iddialara münasibət bildirib. O, həbs olunmasının keçmiş administrasiya rəhbəri Ramiz Mehdiyev ilə əlaqəli olması barədə gəzən söz-söhbətləri qəti şəkildə təkzib edib.

Oxu24.com xəbər verir  ki,Demokrat.az-a danışan bloqer bu iddiaların tamamilə əsassız olduğunu vurğulayaraq bildirib ki, həbsinin Ramiz Mehdiyev ilə heç bir əlaqəsi yoxdur. O, barəsində çıxarılan qərarlara hər zaman hörmətlə yanaşdığını və cəzasının böyük hissəsini çəkdiyini qeyd edib. Ata Abdullayev ölkədə ədalətin təmin olunmasını dövlət başçısının fəaliyyəti ilə əlaqələndirib: 

"Bütün bu ədalətin təmin olunmasının əsas qurucusu isə İlham Əliyevdir. Allah onu və birinci xanım Mehriban Əliyevanı başımızdan əksik etməsin".

Sosial şəbəkə hesabında daha geniş müraciət yayımlayan bloqer uzun ayrılıqdan sonra azad vətəndaş kimi hisslərini bölüşməkdə çətinlik çəkdiyini gizlətməyib. 

O, məhkumluq dövründə dövlətin dəstəyini hər zaman hiss etdiyini bildirib. 

Müraciətində vaxtından əvvəl azadlığa buraxılmasını ölkədəki humanizm prinsiplərinin nümunəsi kimi qiymətləndirib.

"Mən bu dayağa - dövlətimizin güc və qüvvətinə söykənib, ömrümün ən ağır sınağından şərəflə çıxmağı bacardım, zindan həyatının ağırlıq və məşəqqətinə sinə gərə bildim. Barəmdə azadlıqdan məhrumetmə cəzasını müəyyənləşdirən məhkəmənin canımızın fəda olduğu Azərbaycan dövləti adından qərar çıxarması amili mənə ikiqat güc və qüvvət verdi", — deyə o vurğulayıb.

Ata Abdullayev beş illik məhbus həyatı zamanı mənəvi dəstəyini əsirgəməyən ailəsinə və dostlarına minnətdarlığını ifadə edib. 

Bloqer bundan sonra da fəaliyyətini dövlətə xidmət yolunda davam etdirəcəyini qeyd edərək müraciətini bu sözlərlə tamamlayıb: 

"Bu gün 'dəmir yumruq' kimi yenidən bütövləşib ölkəmizi və xalqımızı yeni-yeni uğurlara daşımaq hər birimizin müqəddəs borcudur. Dövlət öz vətənini sevən, övladlıq və vətəndaşlıq borcunu xalqına və millətinə qaytarmağı bacaran insanları ilə güclüdür".

Həmçinin oxuyun

Almaniya Trampı yola gətirməyə çalışır

Bugünkü qəzada ölən hərbçilərin FOTOSU 

Azərbaycanda ağır QƏZA: 20-yə yaxın YARALI VAR

SON DƏQİQƏ! Xəbəri Putin şəxsən açıqladı: Müharibə...