“Teleseriallarımız niyə Biləcəridən o yana keçmir, beynəlxalq müsabiqələrə qatılmır?”- Tanınmış prodüsser gizlinləri açır  

Ermənistanda film prodüseri Viktor Soqomonyanın "Varşava 21" teleseriali "Böyük Ölkənin Qəhrəmanları" film festivalında "Ən Yaxşı Ssenari və Ən Yaxşı İdeya" nominasiyalarında qalib kimi tanınıb. 29 apreldə “Varşava”nın davamı olan “Berlin 23” “Okko” platformasında yayımlanacaq. 

 Bizim teleməkanları bəzəyən seriallarımızın neçəsi Biləcəridən o yana keçib ?

 Oxu24.com - un suallarını Televiziya Sənətləri və Elmləri Akademiyasının üzvü, Azərbaycan Kinematoqrafçılar İttifaqının İdarə Heyətinin üzvü, Azərbaycan Dövlət Mədəniyyət və İncəsənət Universitetinin müəllimi, “Cinema Radio” kanalının rəhbəri Kamran Qasımov cavablandırıb.

Həmçinin oxuyun

19 apreldə bizi nələ gözləyir?   — ULDUZ FALI

Bakıda 556 küçə yuyuldu - FOTOLAR 

Uşaqpulu bərpa oluna bilər: məbləğ belə müəyyən ediləcək

Bədənində döymə olanlar hərbi xidmətə çağırılmır?

O, bildirib ki, serial özü bir sənətdir:”Vaxt vardı Brazilya  serialları  efir məkanlarını zəbt eləmişdi, indi də , gördüyünüz kimi, artıq dünya efirlərini türk serialları tutub. Şimali Amerikanın serialları  da öz regionunda populyardır.

O ki, qaldı bizim serialların xaricdə tanınmasına, bax, görürsünüz ki, tematika burda mühüm  rol oynayır: Mövzu nədir,  nə olmalıdır?Biz mövzuya birinci baxmalıyıq”. 

Tanınmış prodüsser bildirib ki, hazırda bizim efir məkanında da teleseriallar var:” Təbii ki,  bizim seriallarımız da var:”Yəni ,  gündəlik seriallar var ki, onlar gündəlik məişət mövzularını əhatə edir. Amma təbii ki, bu serialda mövzu məhduliyyəti yoxdur, bu tarixi də ola bilər, vətənpərvərlik mövzusunda  da ola bilər,  sevgi xətti də ola bilər. Sadəcə olaraq bu artıq serial komandasının baş prodüsserin  qarşısına qoyduğu məqsəd və vəzifələrdən irəli gəlir.Biz bu serialı hara çıxarırıq? Öz ölkəmizə,  yoxsa, ölkəmizin hüdudlarından kənara?Bunu serialı çəkməmişdən əvvəl  düşünmək, buna uyğun serial çəkmək  lazımdır. 

Əlbəttə, dünyada bədi filmlər kimi,  serialların da  öz festivalları, yarışmaları var və Azərbaycan da çalışmalıdır ki,  artıq burda iştirak etsin.Amma,  bilirsiz burda bir məsələ var: sosial sifariş” .

K. Qasımov   qeyd edib ki,  tarixi  hadisələri , tarixi dövrləri əhatə edən filmlər , seriallar çəkilməlidir:” Məsələn, biz bu gün vətən müharibəsi haqqında  bədii serial çəkə bilərik. Məlumdur ki,   dünya artıq bizim qalib olduğunuzu sübut edir. Amma çox vaxt dünya bizə qarşı qərəzli olduğunu da  göstərir. Bütün qərəz, maneə, əngəllərə  baxmayaraq, düşünürəm ki, vətən müharibəsini çəkməliyik,  bu haqda serialımız olmalıdır. Lap  Türkmənçay müqaviləsinə aid, bu müqaviləyə qədər olan  tarixi dövrlər də  çəkilməlidir. Şərt o deyil  ki, orda mütləq  tarix olsun. Biz tarixdən çox,  həmin dövrdəki  insan talelərindən film  çəkməliyik. Sadəcə olaraq insan taleləri tarixi hadisələrin çatdırılması baxımından lokomotiv olmalıdır. Yəni, tarixi hadisələrin daşıyıcısı olmalıdır.  

Serialın industriyası bu gün bizim üçün vacibdir. Amma  sosial sifariş də  olmalıdır. Sosial sifariş yoxdursa, serialdan danışmağa dəyməz. Belə deyək,  əgər bu gün Azərbaycan efirindəki seriallar davamlıdırsa, demək,  onlar  sosial sifarişi yerinə yetirir ,  tamaşaçıda  tələbat məhz belə  seriallarıdır. Sosial sifarişlər məhz serialın inkişaf etdirilməsi, serial sənayesinin gücləndirilməsi baxımından  vacibdir. 

Bizim gündəlik tamaşaçının baxdığı  ailə- məişət mövzuları  tamaşaçı üçün  vacib mövzulardır, həm də  onların kommersiya marketinq tərəfi var. Əvvəla tamaşaçını ekranda saxlayır , həm də onun baxımlılıq səviyyəsini təmin edir. Bir sözlə ,  sosial sifarişlər vətənpərvərli, qəhrəmanlıq  kimi  seriallara gəlib çatmayıb  ” – deyə Kamran Qasımov  vurğulayıb.

 Əntiqə Rəşid