Quşlar niyə kütləvi şəkildə tələf olurlar?     —    Ekoloqdan ŞOK AÇIQLAMA 

Uzun müddətdir ki, sərçələrin Bakı şəhərində gözə görünmədiyinin fərqindəyik. Sərçələrin kütləvi şəkildə qırğını ilə bağlı media  hələ 2011-ci ildə həyəcanlı xəbərlər yaymışdı. Hazırda isə bu quşlara Bakıda az hallarda rast gəlinir.

Bu günlərdə isə qağayıların ölməsi ilə bağlı sosial şəbəkələrdə məlumatlar yayıldı.

Beləki, Xəzər dənizinin sahilində kütləvi tələf olmuş quş cəsədləri aşkarlanıb və araşdırmalar göstərir ki, bu kimi hallar əsasən gölətrafı, sahilyanı ərazilərdə müşahidə edilir.

Mütəxəssislər Azərbaycan Televiziyasına (AzTV) bildirib ki, havaların kəskin soyuması quşların azalmasına təsir göstərir. Həmçinin, burada qida çatışmazlığı da rol oynayır.

 Məsələ ilə bağlı Texniki Təhlükəsizlik və Ekoloji Məsələlər Üzrə Mütəxəssis, ekoloq Kənan Kərimov Oxu24.com-un suallarını cavablandırıb.

“Sizcə, quşların kütləvi ölümündə “kəskin soyuqdan donma, qida çatışmazlığı” diaqnozundan başqa  daha hansı səbəblər var” sualını cavablandıran ekoloq belə hadisələrin ilk dəfə olmadığını vurğulayıb.

Həmçinin oxuyun

Netanyahu gecə ilə xəbəri açıqladı: Tramp telefonda ona nə deyb?

Aydın Xırdalanlısız 7 il - Həmkarları məzarını ziyarət etdilər  (FOTO)

Bu halda pensiya yenidən hesablana bilərmi?    —   VACİB DETAL

Rafael Ağayev oğlunu paylaşıb bu sözləri YAZDI    —    FOTO

"Əvvəla, quşların kütləvi ölümü ilə bağlı xəbərlərlə ilk dəfə deyilik ki, qarşılaşırıq.  2020-ci ildə Bakının bir sıra ərazilərində qumruların kütləvi ölümü müşahidə edilib. Həmin vaxt rəsmilərin dediyinə görə, quşların qida zəhərlənməsindən ölməsi ehtimalı daha güclü idi.

Quşların kütləvi ölümündə əsas səbəb  yoluxucu quş qripi və ya virus infeksiyaları nəinki çöl quşlarının eləcə də ev quşlarının  kütləvi qırğınına səbəb ola bilir. 

 Çirkənməyə məruz qalmış ərazilərdə yaşayan quşların  ölümü də müxtəlif infeksion xəstəlilərdən  baş verə bilər. Məsələn, neft, məişət, sex və zavod  tullantılarına yaxın yerdə   məskunlaşan  quşlar istər su, istər qida səbəbilə  orqanizmlərində bakterial və ya parazitar infeksiyalar  yarana bilər. Bu da quşların kütləvi ölümünə səbəb ola bilər.

Quşların kütləvi ölümündən əvvəl, Xəzər dənizində suitilərin, həmçinin balıqların kütləvi şəkildə ölümü ilə rastlaşmışıq.Hər iki halda Xəzər dənizinin həddindən artıq çirklənməyə məruz qaldığı  və buna görə  dənizin  faunasına acı təsiri ilə nəticələnib. Hazırda mediada  qağayıların kütləvi  şəkildə ölümü ilə xəbərlərinə təəssüflənirik. Buna səbəb isə ətraf mühitdə və  sularda çirklənmənin həddindən çox olması ola bilər”- deyə  ekoloq Kənan Kərimov bildirib.  

 Əntiqə Rəşid