“TV məkanında dialekt, şivə, gəlmə sözlərdən istifadə olunmamalıdır” –  Qəşəm Nəcəfzadə

Son günlər televiizya efirlərində Azərbaycan dilinin qorunması ilə bağlı ciddi tədbirlər görülməkdədir.TV aparıcılarının,qonaqların çıxışları zamanı alınma ifadələrdən istifadəyə icazə verilmir.

Bu tələbələrə əməl etməyən aparıcılar,TV-lər qanunla müəyyən olunmuş qaydada cəzalandırılır.

Bəs,atılan addımlar yetərlidirmi?

Televiziya məkanlarında dilin vəziyyəti ilə bağlı Oxu24.com-un suallarını Əməkdar mədəniyyət işçisi, Audiovizual Şuranın üzvü,şair Qəşəm Nəcəfzadə  cavablandırıb.

Audiovizual Şuranın üzvü Qəşəm Nəcəfzadə  bildirib ki, Azərbaycan Prezidenti cənab İlham Əliyev  istər Azərbaycan Milli Elmlər Akademiyasının 80 illik yubileyində, istərsə də televiziya jurnalistlərinin suallarını cavablandırarkən Azərbaycan ədəbi dilinin inkişaf məsəllərinə toxundu.

Həmçinin oxuyun

Prezident yeni FƏRMAN İMZALADI:Ədliyyə Nazirliyi və Mərkəzi Banka... 

Pul "atmağın" və dələduzluğun cəzası   nədir?   —  Vəkil incə məqamları AÇIQLADI

Xəzər Universitetinin qurucusu Hamlet İsaxanlının həyat yolu     —   Maraqlı  FAKTLAR

Zakir Həsənov onu vəzifəsindən azad etdi 

"Ölkə başçısı xüsusilə qeyd etdi ki, xarici dildən gələn kəlmələr dilimizi damcı- damcı məhv edir və biz dilimizin keşiyində ayıq- sayıq dayanmalıyıq. Bəli, xalqla daim ünsiyyətdə olan televiziyalardır, verilişlər, aparıcılar, qonaqlar və orada ən çox diqqət çəkən ünsiyyət vasitəsi isə Azərbaycan dilidir. 

 Bu dil, yəni, radio və televiziyanın dili birbaşa insanlara təsir edir, onların təfəkkürünü formalaşdırır. Tamaşaçılar bu dili təkcə hiss etmir, həm də görür. Ona görə də televiziyaların dili aydın, təmiz, rəvan olmalıdır ki, gənc nəsillər bu dili təmiz öyrənsinlər. TV məkanda dialekt, şivə, alınma sözlərdən istifadə olunmamalıdır. Sözlərdə vurğu düzgün deyilməlidir.Çünki televiziya müəllimdir. Azərbaycan ədəbi dilinin bütün xüsusiyyətləri televiziya verilişlərində qorunmalıdır. Hətta məntiqi, öyrədici, intellektual verilişlərin sayını artımaq lazımdır ki,  gənc nəslin dünya görüşünü, elmi biliklərini artıraq. Bu həm də, gənc nəsildə məntiqi və təfəkkürü formalaşdırır. Nəticədə  xalq- tamaşaçı sosial şəbəkələrin heç bir məsuliyyət hiss olmayan "dil"indən xilas olur”- deyə  Qəşəm  Nəcəfzadə  bildirib.

Əntiqə Rəşid