“Bu dəyişiklik Azərbaycan kinosunun inkişafını yüksəldəcək “ - Rejissor yeni qanundan danışıb  

Bu gün Milli Məclis xarici prodüserlərin Azərbaycanda film istehsalına cəlb etmək üçün təşviqedici tədbirlər həyata keçirilməsini ilk oxunuşda qəbul edib. "Kinematoqrafiya haqqında" qanuna dəyişikliklər əsasən, xarici prodüserləri Azərbaycan ərazisində film istehsalına cəlb etmək məqsədilə filmlərin istehsalı üçün çəkilmiş xərclər qismən geri ödəniləcək.

Bu qanun dəyişikliyi ilə bağlı   Azərbaycan Kinematoqrafçılar İttifaqının İdarə Heyətinin üzvü, rejissor, prodüser Kamran Qasımov  Oxu24.com saytına danışıb.

O bildirib  ki, "Kinematoqrafiya haqqında" qanun 1998-ci ildə qəbul edilmişdi və bu qanun dövrü üçün müstəsna əhəmiyyətə malik idi. Amma müasir dövr, müasir kino istehsalı dünya çapında baş verən dəyişikliklər yeni yanaşmalar  tələb edir.

Həmçinin oxuyun

Martın 3-də bizi nələr gözləyir? - BÜRCLƏR

SON DƏQİQƏ ! İran təhlükəli BƏYANAT YAYDI

Baş nazirdən mühüm QƏRAR: Yeni sədr TƏSDİQLƏNDİ

Texniki baxışla bağlı XƏBƏRDARLIQ

"Belə olduğu halda qanunun dəyişikliyi,yaxud ona əlavələr edilməsi  müstəsna hala çevrilir. Azərbaycan Respublikası Milli Məclisinin Mədəniyyət Məsələləri Komitəsi tərəfindən bu gün qəbul edilən layihə son dərəcə vacibdir. Ona görə ki,birinci xarici prodüsserlərlə bağlı bənd qanunda öz əksini tapmalıdır. Müşdərək film istehsalı, birgə film istehsalı anlayışları burda dəqiq ifadə olunub və eyni zamanda prodüsser anlayışının dəqiq şəkildə ifadəsi  açıqlanıb.

Çünki köhnə qanunda elə terminlər var ki, artıq onlar bu gün istifadə oluna bilməz və gərək  müasir proseslə ziddiyət yaratmasın. Xüsusi ilə bu qanun layihəsində nəzərə çarpan  cəhətlərdən biri  rebeyt sisteminin yəni o çəkilən xərclərin bir hissəsinin geri qaytarılmasıdır.

Xarici müştərək film istehsalının hansı tələblərə uyğun şəkildə həmin statusu əldə etməsidir  ki bu qanunda öz əksini tapmalıdır.

Xarici produsser çox vacibdir, bu gün dünyada müxtəlif ölkələrin müştərək film çəkilişlərini  görürük. Müasir  dövrdə bu çox vacib amillərdən biridir və bu hər bir ölkənin öz qanunları ilə tənzimlənir. Qanun imkan verməlidir, həmin o xarici prodüsserlər də müəyyən imkanlardan istifadə etsinlər. Bu əslində ölkəmizin kino potensialını beynəlxalq müstəvidə inkişafını səciyyələndirir. Onu da deyək ki,  bu investorlar üçün  kifayət qədər imkanlar yaradılmalıdır. İnvestisiyalar mühiti  təşkil olunmalıdır. Qanunda əslində  bu da göstərilməlidir. Dövlət və özəl  studiyaların münasibətlərində qarant məsələsi ortaya çıxmalıdır.Çünki bilirsiniz, dövlət kinoya  zəmanət verir.  1998-ci ilin 3 iyul tarixində Heydər Əliyev milli kinonu inkişaf etdirmək, onun təbliğinə geniş meydan açmaq məqsədilə “Kinematoqrafiya haqqında” Azərbaycan Respublikasının Qanununda bu var. Amma bu gün biz bunu aydınlaşdırmalıyıq. Çünki bu gün mədəniyyət nazirliyinin müvafiq qurumları  AR Kino Agentliyi  film çəkmir, o donor rolu oynayır. Odur ki, düşünürəm ki, bu dəyişikliklər ölkəmizə xarici kino investorların axınını sürətləndirəcək və Azərbaycan  kinosunun inkişafına xidmət edəcək  “- deyə rejissor  Kamran Qasımov vurğulayıb.

 Əntiqə Rəşid