Tahir Budaqov köhnə komandaya toxunacaqmı? Müavinlərin taleyi sual altında  

Nəsimi Rayon İcra Hakimiyyətinə yeni təyin olunan icra başçısı Tahir Budaqovun əvvəlki rəhbərliyin dövründə formalaşmış komanda ilə işləyib-işləməyəcəyi maraq doğurur.

Oxu24.com xəbər verir  ki,xüsusilə uzun illərdir rayonda rəhbər vəzifələrdə çalışan müavinlər – Gülarə Verdiyeva və Zahid Xəlilovun postlarını qoruyub-qorumayacağı diqqət mərkəzindədir.

Hazırda hər iki müavin Nəsimi Rayon İcra Hakimiyyətində fəaliyyətini davam etdirir.

Verdiyeva Gülarə Eyvaz qızı Goranboy rayonunda anadan olub. O, H.Zərdabi adına Pedaqoji İnstitutun İbtidai təhsilin pedaqogikası və metodikası fakültəsini, daha sonra isə Prezident yanında Dövlət İdarəçilik Akademiyasının “Dövlət və bələdiyyə idarəetməsi” fakültəsini bitirib.

Əmək fəaliyyətinə orta məktəbdə laborant kimi başlayan Gülarə Verdiyeva ibtidai sinif müəllimi, direktor müavini və direktor vəzifələrində çalışıb.

2013-cü ildən Nəsimi Rayon İcra Hakimiyyətində humanitar məsələlər üzrə müavin, 2017-ci ilin fevral ayından isə icra başçısının birinci müavini vəzifəsində fəaliyyət göstərir.

Həmçinin oxuyun

Şimşək çaxacağı, dolu düşəcəyi ehtimalı var  —  XƏBƏRDARLIQ

Zəlzələ OLDU

SON DƏQİQƏ! Yeni sədr təyinatı baş tutub  +FOTO

Yüksək vəzifə verilən şəxs bu icra başçısının oğlu imiş 

Xəlilov Zahid Əziz oğlu 1963-cü il iyulun 5-də Ermənistan Respublikasının Amasiya rayonunda anadan olub. Orta məktəbi fərqlənmə ilə bitirdikdən sonra Azərbaycan Dövlət Pedaqoji İnstitutunu bitirib və müəllim kimi fəaliyyətə başlayıb.

1992-ci ildən etibarən Nəsimi Rayon İcra Hakimiyyətində müxtəlif məsul vəzifələrdə çalışıb. Uzun illər icra başçısının müavini, şöbə müdiri kimi fəaliyyət göstərən Zahid Xəlilov 2020-ci ilin dekabr ayından yenidən icra başçısının müavini vəzifəsini icra edir.

2013-cü ildə Prezident İlham Əliyevin sərəncamı ilə “Dövlət qulluğunda fərqlənməyə görə” medalı ilə təltif olunub. Dövlət qulluğunun müşaviridir.

1994-cü ildən Yeni Azərbaycan Partiyasının üzvüdür, ərazi partiya təşkilatının sədridir.

Kadr islahatları ilə bağlı rəsmi qərarların yaxın günlərdə veriləcəyi gözlənilir.