"İsrail İranla bağlı planı ABŞ-yə təqdim edib" – Politoloq regiondakı durumu şərh edib  

Ötən gün ABŞ Prezidenti Donald Trampın Yaxın Şərq üzrə xüsusi nümayəndəsi Stiven Uitkoffun ABŞ-nin  “Abraham Lincoln” aviadaşıyıcısına səfərindən sonra İranın xarici işlər naziri Abbas Araqçi Körfəz bölgəsində İran hərbi gəmisində olub. 

Bu addımlar ABŞ-nin məqsədindən geri dönməyəcəyini, İranın isə ABŞ-nin qarşısında duracağına, meydandan çəkilməyəcəyinə bir işarə deyil ki? Yəni, bu ABŞ - İran müharibəsinə bir addım da yaxınlaşmaq kimi görünmür ki?

 Mövzu ilə bağlı  Oxu24.com-un  suallarını politoloq Turan Rzayev  cavablandırıb.

Politoloq  bildirib ki, indiki məqamda ABŞ və İran arasında bir gərginlik  mövcuddur və tərəflərin  bu tipli  siyasi mesajlar, hərbi güc göstəriləri etməsi başa düşüləndir:" Mən əvvəllər bu barədə demişdim ki,  ümumiyyətlə, ABŞ-nin  İrana müdaxilə etmək istədiyini düşünmürəm. Trampin belə bir niyyəti  olduğunu da düşünmürəm. Çünki, müharibə xərc tələb edir  və söhbət ondan gedir ki, ABŞ ordusu dünyanın ən müasir texnologiyalarına malik  peşəkar, güclü,  eyni zamanda ən bahalı ordusudur.  Belə bir ordunu  bir yerdən başqa bir yerə daşımaq, sonra  total bir müharibəyə cəlb etmək olduqca böyük xərc tələb edir. ABŞ admistrasiyası indiki məqamda bu xərclərə girişmək istəmir.Tramp, ümumiyyətlə, ABŞ-nin  borc və xərclərini azaltmaq üçün müxtəlif variantlardan istifadə edir. Belə bir dönəmdə çətin bir coğrafiyada yerləşən  İranla döyüşən ən sonuncu variantdır. ABŞ ordusunun  həm canlı qüvvə , həm də  hərbi texnika cəhətdən itkilərə məruz qalacağı  bir müharibəyə  getməsi inandırıcı görünmür".

Həmçinin oxuyun

3 mayda bizi nələr gözləyir?   —  ULDUZ FALI

İsmayıl Orucov həbs edildi   — Sərxoş şəxsə görün nə edib +VİDEO

Yeni prorektor KİMDİR?

Yeni rəhbər təyinatı OLUB - FOTO

Politoloq xüsusi olaraq vurğulayır ki, müharibəni ABŞ-dən  daha çox İsrail istəyir: “İsrail  regionda İran kimi güclü dövlət  görmək istəmədiyi üçün ABŞ-ni  müharibəyə sövq etməyə çalışır. Hətta dünən İsrail mediası yazıb ki,  İsrail ordusu ABŞ-yə  İranın raket istehsalı müəssisələrinə zərbələr endirməyi ehtiva  edən bir neçə plan təqdim edib. İsrailin bir rəsmisi isə  bu tarixi məqamı İranın silah sənayesini darmadağın etmək üçün "tarixi fürsət" adlandırıb.

Ümumiyyətlə, İsrail rəsmiləri   çox narahatdırlar ki,  ABŞ əsas təhlükəni aradan qaldırmayacaq, məhdud hücumlar həyata keçirəcək ki, bu da İsrailin istəklərini təmin etmir.

İran tərəfinin atdığı addımları diqqətlə izləsək , görərik ki, İran da ABŞ kimi güc göstərisi nümayiş etdirsə də,  müharibə olmasında maraqlı deyil. Beləki,  İran parlamenti fevralın 9-da ölkənin ABŞ-la nüvə məsələsilə bağlı danışıqların birinci mərhələsinin aralıq nəticələrini nəzərdən keçirmək üçün iclas keçirib və Omanda növbəti görüşə hazırlaşır”-deyə politoloq vurğulayıb. 

 Əntiqə Rəşid