Bu qan qrupundan olanlar daha uzun yaşayır 

Yapon alimləri araşdırıblar ki, hər bir qan qrupu immun müdafiədəki fərqlərə görə özünəməxsus “zəif nöqtələrə” malikdir. Bu səbəbdən müxtəlif xəstəliklərin riski də qan qruplarına görə dəyişir.

Oxu24.com xəbər verir ki,Obu barədə Lent.az xarici mediaya istinadla xəbər verir.

Qrup 0 (I) – “Uzunömürlülük Qrupu”

Bu qrupun daşıyıcıları xəstəliklərə qarşı ən dayanıqlı hesab olunurlar. Onlarda şəkərli diabet, insult, infarkt və revmatik qızdırma, zədələyici anemiya kimi autoimmun xəstəliklər daha az rast gəlinir. Buna görə də bu qrup “uzunömürlülərin qrupu” adlandırılır. Lakin zəif tərəfi də var: mədə və onikibarmaq bağırsaq xorasına tutulma riski digərlərindən yüksəkdir. Alimlər bunun səbəbini mədə şirəsinin yüksək turşuluğu ilə əlaqələndirirlər.

Qrup A (II)

Bu qan qrupuna sahib insanlarda tromboz halları daha çox olur, nəticədə infarkt və insult riski yüksəlir. Həmçinin II qrup şəkərli diabetə meyilliliyi artırır, bu da ürək-damar risklərini bir qədər də gücləndirir.

Qrup B (III)

İmmunitet baxımından 0 qrupdan sonra ikinci yerdədir. Bununla belə, B qrupu daşıyıcılarında ağciyər xəstəlikləri, xüsusən pnevmoniya və vərəm daha çox müşahidə olunur. Araşdırmalar göstərir ki, B qrupunda vərəm riski I qrupla müqayisədə 10% yüksəkdir. Bundan başqa, bağırsaq infeksiyaları da daha tez-tez baş verir.

Qrup AB (IV) – Ən nadir qrup

Ən az rast gəlinən qrupdur. Bu qrupun daşıyıcılarının immuniteti daha zəif sayılır, çünki onların qanında nə A, nə də B antigenlərinə qarşı anticisimlər olur. Buna baxmayaraq, AB qrupu daşıyıcıları bütün infeksiyalara həssas deyil, məsələn, xoleraya qarşı onların müqaviməti daha yüksəkdir.

Alimlər qeyd edirlər ki, bu qrupun az yayılması səbəbindən elmi araşdırmalar məhduddur və nəticələr hələ tam yekunlaşdırılmayıb.

Mütəxəssislər xatırladır ki, sağlam həyat tərzi, düzgün qidalanma, stressin azaldılması, müntəzəm tibbi müayinələr və hərəkətli həyat istənilən qan qrupundan asılı olmayaraq ürək-damar və digər xroniki xəstəliklərin riskini azalda bilər.

Həmçinin oxuyun

Əməkhaqqı 7 %-dən çox artıb

Bankdan kredit ala bilməyənlər üçün yeni imkan – Yeni qanun nə vəd edir?  

Milli Məclis qərar qəbul etdi

Azərbaycanda 4 günlük iş həftəsi başlayır?