Azərbaycanda mobil telefonların qiyməti BAHALAŞACAQ

"Mobil telefonların idxalı ilə bağlı tətbiq edilən yeni aksiz vergiləri və hər bir vətəndaşa ildə yalnız bir telefon gətirilməsinə icazə verilməsi bazarda müəyyən dəyişikliklər yaradacaq".

 Oxu24.com xəbər verir ki  bu sözləri BAKU.WS-ə açıqlamasında Azərbaycan Qiymətləndiricilər Cəmiyyətinin (AQC) sədri Vüqar Oruc taksi bazarı üzrə apardığı müqayisəli təhlil zamanı bildirib.

AQC sədri həmçinin deyib ki, xaricdən mobil telefon gətirilməsinə qoyulan bu məhdudiyyət bazara ciddi təsir göstərməyəcək:

"Çünki telefon idxalının əsas hissəsi ölkədə fəaliyyət göstərən iri şirkətlər və rəsmi dilerlər tərəfindən həyata keçirilir. Bu baxımdan ümumi təklif həcminin kəskin azalması gözlənilmir.

Lakin aksiz vergisinin bütün telefon modellərinə şamil olunması qaçılmaz olaraq qiymət artımına gətirib çıxaracaq. Xüsusilə ucuz telefon seqmentində qiymətlərin təxminən 5 faiz artacağı gözlənilir. Bahalı modellərdə isə bu artım məbləğ baxımından daha yüksək ola bilər. Eyni zamanda, mobil telefonlarla yanaşı, aksesuarların da bahalaşması ehtimal edilir.

Qiymət artımı istehlakçı davranışlarına da təsir göstərə bilər. Belə ki, vətəndaşların bahalı telefonlardan daha çox orta və aşağı qiymət seqmentinə üstünlük verməsi müşahidə oluna bilər".

Vüqar Oruc vurğulayıb ki, yeni aksiz vergilərinin dövlət büdcəsi üçün müsbət təsiri də gözlənilir:

"Əlavə vergi və rüsum daxilolmaları iqtisadi baxımdan dövlət üçün sərfəli hesab olunur. Bununla yanaşı, vətəndaşlar üçün əsas mənfi tərəf qiymətlərin bahalaşmasıdır.

Digər tərəfdən, xaricdən gətirilən məhsulların bahalaşması adətən yerli istehsala marağı artırır. Lakin Azərbaycanda mobil telefon istehsalı mövcud deyil və yaxın perspektivdə xarici istehsalla rəqabət apara biləcək yerli istehsalın yaranması real görünmür.

Nəticə etibarilə, aksiz vergilərinin tətbiqi dövlət büdcəsinə əlavə gəlirlər gətirsə də, mobil telefon bazarında qiymət artımına və istehlakçı seçimlərində daha ucuz modellərə yönəlməyə səbəb olacaq".

Həmçinin oxuyun

SON DƏQİQƏ!Mehdiyevin ailəsində faciə:Ölən var

15 milyard dollarlıq hədəf: Türkiyə və Azərbaycan ticarətdə yeni mərhələyə keçir—EKSPERTLƏRDƏN ŞƏRH  

SON DƏQİQƏ! Daşqın və sellə bağlı XƏBƏRDARLIQ

SON DƏQİQƏ! Prezidentin köməkçisi tapşırıq verdi: Bu məsələ araşdırılır