“İdrak liseyindəki, olay ilk öncə cəmiyyətin problemidir, sonra isə...” Professor təəssüfünü gizlətmədi   

Hazırda cəmiyyət ciddi narahatlıq içərisindədir. 

Bu gün səhər saatlarında Bakının Binəqədi rayonu, Ziya Bünyadov prospektində yerləşən özəl “İdrak” liseyində baş verən silahlı insident ağıllarda sual işarəsi yaradıb.

Nə baş verdi ki, şagird  belə bir addım atmağa məcbur qaldı? Yaxud ,  15 yaşlı uşaqda bu qədər amansızlığın qaynağı nədir ki, qan tökülməsinə gətirib çıxartdı?

Ömrünün 45 ilini  müqəddəs müəllim peşəsinə həsr edən fizika-riyaziyyat elmləri doktoru, professor Ədalət Kərimov olayla bağlı   fikirlərini Oxu24.com-a  bildirib. 

Professor ürək ağrıdan bu olaydan təəssüf hissi keçirdiyini  qeyd edib.

"1-2 gün əvvəl mediadan oxudum ki, Başqırdıstanda yeniyetmənin məktəbdə odlu silahdan atəş açması nəticəsində müəllim yaralanıb. Həmin vaxt ürəyimdə dedim ki, şükür ki, Azərbaycanda belə olaylar baş vermir.

Bu olay   ilk növbədə cəmiyyətin, sonra təhsil sisteminin, onun idarəçiliyinin və şagirdlərin fərdi davranışlarına biganəliyin nəticəsidir. Bu hadisə mütləq olmalı idimi? Sualın cavabını məktəbdə çalışan müəllimlər, metodistlər, psixoloqlar bilməlidir, çünki şagirdə  nəzarət edən onlardı. Məsuliyyət onların çiyinlərindədir.  Hələ sevinirəm ki,  nə yaxşı uşaq tüfəngin ucunu uşaqlara tuşlamayıb.

45 illik pedaqoji fəaliyyətimə arxayın olaraq  deyim ki,  uşaqların yaşlarına uyğun olmayan filmlər, oyunlar, telefon asılılığı və s. , təhsil sistemində özəl ali və orta məktəblərin bir ailə tərəfindən idarə edilməsi, məktəbdə psixoloqun zorakılıqdan, biganəlikdən və s.doğan problemləri nəzarətə götürməməsi, məktəbin mühafizə sistemindəki boşluqlar bu gün bizi  bu dəhşətli hadisənin  şahidinə çevirdi. Nə bilək, bu bəlkə də ilk xəbərdarlıqdır?”,-deyə o qeyd edib.

 Xatırladaq ki, bu gün səhər Binəqədi rayonu "İdrak" liseyindən təcili tibbi yardım briqadası vasitəsilə Kliniki Tibbi Mərkəzə hospitalizasiya olunan 1997-ci il təvəllüdlü  müəllimə Şəhla Kamilova 2014-cü ildə Bakı Dövlət Universitetini bitirib. O, ali təhsilini kompüter elmləri ixtisası üzrə alıb və universiteti fərqlənmə diplomu ilə başa vurub.

Əntiqə Rəşid

Həmçinin oxuyun

Prezident İlham Əliyev çıxış edir   — YENİLƏNİR

Yeni prorektor KİMDİR?

Pensiyaların artırılmasında yeni qayda: Kim nə qədər çox alacaq?

Azərbaycanın hərbi gücü nə qədərdir? - Ekspert ŞƏRH EDİR