Kamran Əliyev universitetlərdəki bu seçimdən gileyləndi 

“Son dövrlərdə prokurorluq orqanlarında qulluğa qəbul olmuş gənclərin bir çoxunun kriminalistika sahəsində bilik və bacarıqlarının çox aşağı və ya ümumiyyətlə, olmadığının şahidi oluruq”.

Oxu24.com   xəbər verir ki, bu sözləri baş prokuror Kamran Əliyev “LEGIS” Beynəlxalq Hüquq Forumundakı çıxışında deyib.

Kamran Əliyevin sözlərinə görə, ali təhsil müəssisələrində kriminalistika seçmə fənn kimi tədris olunur, tələbələrin bir çoxu həmin fənni seçmir: “Sonradan həmin tələbələr prokurorluq orqanlarında işə qəbul olunduqda, işləməkdə çətinlik çəkirlər. Çünki kriminalistik taktika və texnika barədə məlumatı olmayan şəxsin hər hansı fakt üzrə səmərəli araşdırma aparması mümkün deyil. Rəqəmsallaşma sahəsində çox sürətli inkişafın getdiyi bir dövrdə hüquq fakültəsinin tələbələrinin rəqəmsal savadlılığının artırılmasına da xüsusi diqqət yetirmək lazımdır. Bu gün şəffaf və ədalətli prosedurlar əsasında müsabiqə yolu ilə prokurorluq orqanlarında işləmək hüququ əldə etmiş gənclərin qazandığı uğurlar məhz Ulu Öndər Heydər Əliyev tərəfindən təməli qoyulmuş və Prezident İlham Əliyevin rəhbərliyi ilə reallaşdırılan dövlət gənclər siyasəti nəticəsində mümkün olub”.

Həmçinin oxuyun

Yağışlı havada elektromobil sürmək təhlükəlidirmi? – Ekspertdən xəbərdarlıq  

Prezidentin Mətbuat Xidməti AÇIQLAMA YAYDI

Azərbaycanla bağlı MÜJDƏ: Bu sahədə gücümüz artdı — Ekspertlər gözləntiləri AÇIQLAYIR  

Prezidentdən polkovnik-leytenantla bağlı SƏRƏNCAM   - FOTO

Baş prokuror qeyd edib ki, prokurorluq orqanlarında fəaliyyətə başlamaq üçün hər hansı hüquq stajı tələb olunmur: “Bu baxımdan, hüquq fakültəsini bitirəndən sonra qanunvericilikdə nəzərdə tutulan şərtlərə cavab verən hüquqşünaslar keçirilən imtahanlarda iştirak etməklə prokurorluqda qulluğa qəbul oluna bilərlər. Hər il prokurorluq orqanlarında işə qəbul üçün elan edilən 50 vakant yerə təxminən 500-ə yaxın namizəd müraciət edir, bu prokurorluq orqanlarına gənclərin marağının göstəricisidir. 1 yer uğrunda təxminən 10 nəfər mübarizə aparır. Təkcə 2025-ci ildə keçirilmiş imtahanlarda 259-u oğlan, 90-ı qız olmaqla ümumilikdə 349 namizəd iştirak edib və onlardan 51-i müvəffəqiyyət əldə edərək prokurorluq orqanlarına işə qəbul edilib. Bir nəfər istisna edilməklə, qalan namizədlər ölkədəki ali təhsil müəssisələrinin hüquq fakültələrinin məzunları olub”.