Qaynar xətt:

(+99450) 247 90 86

SON DƏQİQƏ! Bir neçə vəzifəli işini itirdi: Yeni təyinatlar da var 

news/2025_12_11/memur_t_1765451552.jpg

CƏMİYYƏT

725

05.02.2026, 11:45

Salyan Rayon İcra Hakimiyyətində (RİH) struktur dəyişikliyi nəticəsində bir neçə nəfər vəzifəsini itirib, daha bir neçə nəfərin isə vəzifələri dəyişdirilib.

Oxu24.com-un əldə etdiyi məlumata görə, bununla bağlı icra başçısı Rüstəm Xəlilov müvafiq əmr imzalayıb.

Belə ki, RİH-də Baş mütəxəssis işləmiş Məmmədova Gülnaz Vaqif qızı, Ərazi idarəetmə və yerli özünüidarəetmə orqanları şöbəsində Baş məsləhətçisi işləmiş Qədirova Nərmin Əvəzağa qızı və Sosial-iqtisadi inkişafın təhlili və proqnozlaşdırılması şöbəsinin müdir müavini olmuş Kazımov Novruz Fərhad oğlu vəzifələrini itiriblər.

Onlar icra hakimiyyətinin təsdiqlənmiş yeni strukturunda yer almayıblar.

Bundan əlavə, Vətən müharibəsi və şəhid ailələri ilə işin təşkili şöbəsi Müharibə iştirakçıları və şəhid ailələri ilə işin təşkili sektoruna çevrilib və sektorda işçilərin sayı artırılıb. Belə ki, Bağırov Rasət Hidayət oğlu sektora məsləhətçi təyin olunub.

Ləğv edilmiş Sosial-iqtisadi inkişafın təhlili və proqnozlaşdırılması şöbəsinin baş məsləhətçisi İbrahimov Qalib Əhmədağa oğlu icra başçısının Salyan şəhər icra nümayəndəliyinə baş məsləhətçi təyin olunub. 

Ləğv edilmiş İctimai-siyasi və humanitar məsələlər şöbəsinin baş məsləhətçisi Əhmədov Rahab Həsənağa oğlu icra başçısının Sarvan kənd icra nümayəndəliyinə baş məsləhətçi təyin olunub. 

Ləğv edilmiş İctimai-siyasi və humanitar məsələlər şöbəsinin baş məsləhətçisi Ələsgərova Ayşən Aləddin qızı icra başçısının Marışlı kənd icra nümayəndəliyinə baş məsləhtçi təyin olunub.

Miri Məcidli