Azərbaycanda 2 bank birləşir? - Əməkdaşlar yeni iş yerlərində otururlar 

Azərbaycan Beynəlxalq Bankı (ABB) son dövrlər problemlərlə üzləşmiş “Bank BTB”ni almaq ərəfəsində olduğu bildirilir.

Oxu24.com  Yurd.Media-ya istinadən xəbər verir ki, son aylarda “Bank BTB”nin bir sıra əməkdaşları artıq ABB-də otururlar.

Qeyd edək ki, ötən ilin sonuna olan məlumatlar əsasında mütəxəssislərin apardıqları təhlillər göstərir ki, Bank BTB faktiki olaraq klassik kommersiya bankı funksiyalarını itirib. Bank hazırda problemli kreditlərin idarə edildiyi, əsasən daşınmaz əmlak sektoruna yönəlmiş və minimal kapital tələbləri səviyyəsində fəaliyyət göstərən bir quruma çevrilib.

Xatırladaq ki, “Bank BTB”nin əsas səhmdarı 76,7 faiz payla uzun illər Prezident Administrasiyasının rəhbəri olmuş Ramiz Mehdiyevin gəlini Nigar Mehdiyevadır. Digər səhmdarlar Rza Sadıq (17,7 faiz) və Tükəzban Mahmudovadır (5,6 faiz). Məlumatlara görə, Nigar Mehdiyeva ilə Rza Sadıq bacı-qardaşdır və birlikdə bankın 94 faizinə nəzarət edirlər. Rza Sadıq eyni zamanda bankın Müşahidə Şurasının sədridir.

Həmçinin oxuyun

14 gün iş olmayacaq 

Bakıda dəhşətli hadisə kameraya düşdü  —  DİN AÇIQLAMA YAYDI

Mahmudovla bağlı böyük qalmaqal: O hakim cəzalanacaq? 

Milli Məclis qərar qəbul etdi: Azərbaycanda bu qadağan EDİLDİ

Bank BTB-nin balansındakı əsas risklərdən biri kredit portfelinin böyük hissəsinin daşınmaz əmlak sektoruna yönəlməsidir. 2025-ci ilin son rübünə olan məlumatlara əsasən, bankın kreditlərinin təxminən 70 faizi ipoteka və daşınmaz əmlakla bağlıdır. Biznes kreditlərinin payı cəmi 14 faizə, istehlak kreditlərinin payı isə 14 faizə yaxındır.

Hesabatlar Bank BTB-də ciddi likvidlik uyğunsuzluğunun mövcud olduğunu ortaya qoyub. Bankın aktivlərinin böyük hissəsi beş ildən artıq müddətə verilmiş kreditlərdən ibarətdir, halbuki bu aktivlər əsasən qısamüddətli əmanətlər hesabına maliyyələşdirilib. Bu vəziyyət bankı daimi olaraq əmanətlərin yenilənməsindən asılı vəziyyətə salıb.

Məsələ ilə bağlı sorğu "Azərbaycan Beynəlxalq Bankı"nın ictimaiyyətlə əlaqələr bölməsindən nə təsdiq nə təkzib olunmayıb, "Bank BTB"dən isə ümumiyyətlə suallara cavab verəcək məsul şəxs tapılmayıb.