“Kisvə  İslamda ibadət obyekti deyil, şişirtməyə ehtiyac yoxdur”  —   İlahyyatçıdan şok açıqlama   

Hazırda dünyanın diqqət mərkəzində olan “Epşteyn işi” ilə bağlı üzə çıxan sənədlər böyük müzakirələrə səbəb olub. 

Yetkinlik yaşına çatmayanların cinsi istismarı kimi cinayətlərdə ittiham edilən amerikalı milyarder Ceffri Epişteyn  işi müsəlmanlara da toxunub. Beləki, Kəbə örtüyünün – “kisvə”nin bir hissəsinin 2017-ci ildə amerikalı maliyyəçi və qalmaqallı fiqur Ceffri Epşteynə göndərilməsi müzakirə edilsə də  “kisvə”nin müsəlman aləmində nə önəmi olduğunu bir çoxu bilmir.

 Oxu24.com -un suallarını ilahiyyat üzrə fəlsəfə doktoru, dosent Əkrəm Həsənov cavablandırıb.

O bildirib ki, son günlər mediada Kəbə örtüsünün bir hissəsinin illər əvvəl Ceffri Epşteynə göndərilməsi ilə bağlı iddialar yayılıb.

Məlumat kimi təqdim olunan yazışmalar bəzi sənədlərə əsaslansa da, bu məsələ ilə bağlı nə Məkkə Hərəminin rəsmi qurumları, nə də Səudiyyə Ərəbistanının aidiyyəti strukturları tərəfindən təsdiqləyici açıqlama verilib.

Buna görə də, söhbət rəsmi təsdiqi olmayan iddiadan gedir.

Kəbə örtüsü müsəlmanlar üçün ibadət obyekti yox, Kəbəyə göstərilən hörmətin və təzimin rəmzidir.

Üzərinə Qurani Kərimdən ayələr işlənir və hazırlanması, saxlanması, istifadəsi xüsusi qaydalarla tənzimlənir.

Köhnə örtük hissələrinin bəzən muzeylərə verilməsi və ya rəsmi protokol çərçivəsində təqdim olunması mümkündür, lakin bu cür parçaların mübahisəli şəxslərə göndərilməsi barədə etibarlı və rəsmi sübut yoxdur. Bu səbəbdən yayılan xəbərlərə ehtiyatla yanaşmaq və dini simvollarla bağlı məsələlərdə təsdiqlənmiş mənbələrə istinad etmək daha doğru mövqedir”.

İllahiyyatçı onu da qeyd edib ki, lap sübut olunsa belə, bu ildə bir dəfə dəyişilən örtüdür.

"O qədər də müqəddəs sayılacaq bir anlam daşımır axı. Yəni, bunun üzərində belə çox dayanmaq doğru deyil. Rəsmi Səudiyyə Hökuməti təsdiq etməli və bu barədə geniş açıqlama verməlidir və ya təkzib etməlidir. Bu həmin ölkənin öz səlahiyyətində olan məsələdir. Həm də digər müsəlman ölkələrin və müsəlmanların bu məsələdə heç bir günahı və ya savabı yoxdur”-deyə Əkrəm Həsənov   bildirib.

Xatırladaq ki,  Kəbənin hər il örtülməsi adəti İslamdan əvvəlki dövrə aiddir və Məhəmməd və onun varisləri tərəfindən davam etdirilmişdir . Tarixən müxtəlif növ parçalar örtük kimi istifadə edilmişdir, lakin Misirdə istehsal olunan kisvələr erkən İslam hökmdarları tərəfindən populyarlaşdırılmışdır.

 Əntiqə Rəşid

Həmçinin oxuyun

Sosial büdcədə rekord: maaş və pensiyalar artır? 

Prezidentin vəzifədən azad etdiyi məmurla bağlı yeni qərar verildi

SON DƏQİQƏ AÇIQLAMASI: Avqustun 10-dan sonra başlanılacaq

Yüksək vəzifəyə təyinat alan xanım KİMDİR? — FOTO