Nazirlikdə böyük islahatlar: Xeyli vəzifəli işini itirdi — Onlardan başqa 

Sabiq nazirin kadrları postlarını itirdi: Ədliyyə Nazirliyində genişmiqyaslı kadr dəyişiklikləri

Konstitusiya Məhkəməsinin hakimi, sabiq ədliyyə naziri Fikrət Məmmədovun dövründə vəzifəyə təyin olunmuş kadrların böyük əksəriyyəti postlarını itirib.

2024-cü il fevralın 27-də Prezident İlham Əliyevin sərəncamı ilə Fərid Əhmədov ədliyyə naziri təyin edilib. O, bu təyinata qədər rəqəmsal inkişaf və nəqliyyat nazirinin müavini vəzifəsində çalışıb.

Ədliyyə Nazirliyinin Aparatına 14 idarə və baş idarə daxildir.

Oxu24.com-un məlumatına görə, Fərid Əhmədov vəzifəyə başladıqdan sonra nazirlikdə genişmiqyaslı kadr islahatlarına start verilib.

Nəticədə idarə və baş idarə rəislərinin əksəriyyəti vəzifəsindən azad edilib və yerinə yeni təyinatlar aparılıb.

2024-cü il ərzində vəzifəsindən azad edilənlər arasında aşağıdakı şəxslər var:

Strateji planlaşdırma və monitorinq baş idarəsinin rəisi Cavid Hüseynov,

Qanunvericilik baş idarəsinin rəisi Adil Şirməmməd oğlu Əliyev,

Notariat, qeydiyyat və reyestr baş idarəsinin rəisi Mehman Soltanov,

İcra xidmətinin rəisi İlqar Cəfərov,

Probasiya xidmətinin rəisi Akşin Ziyadov,

Bələdiyyələrlə iş baş idarəsinin rəisi Rəhman Məmmədov,

Cəzaların icrasına nəzarət baş idarəsinin rəisi Malik Ələkbərov,

İnsan resursları idarəsinin rəisi Rauf Məhərrəmov,

Maliyyə və təminat idarəsinin rəisi Aslan Muradov,

İstintaq idarəsinin rəisi Nazim Abbasov.

Bundan əlavə, 2024-cü ilin iyun ayında Sənəd dövriyyəsi və vətəndaşların müraciətləri ilə iş, eləcə də Ədliyyə sahəsində rəqəmsallaşma və innovasiyalar üzrə yeni idarələr yaradılıb. 

2015- ci ildə Beynəlxalq Əməkdaşlıq Baş İdarəsinin rəisi vəzifəsinə təyin olunan Adil Əbilov 2024-cu ilin iyun ayında vəzifəsindən azad edilib müvəqqəti Beynəlxalq Əməkdaşlıq Baş İdarəsinin rəisi təyin edilib.

Adil Əbilov elə həmin ilin avqust ayında nazir Fərid Əhmədovun əmri ilə Beynəlxalq Əməkdaşlıq Baş İdarəsinin rəisi təyin edilib. 

Nazirliyin strukturunda dəyişikliklər bununla da yekunlaşmayıb. Belə ki:

Məhkəmə Ekspertiza Mərkəzinin rəisi Elçin Qasımov,

Tibb baş idarəsinin rəisi Rəfael Mehdiyev, 

Ədliyyə Akademiyasının rektoru Şahin Əliyev də vəzifələrindən azad ediliblər.

Kadr islahatları fonunda sabiq nazirin dövründən yalnız iki şəxs postunu qoruyub. Bunlar nazir müavinləri Eldar Nuriyev və Mirsaleh Seyidovdur. Mirsaleh Seyidov həm də Pentensiar Xidmətin rəisidir. Digər nazir müavinləri Azər Cəfərov, Vilayət Zahirov və Toğrul Musayev isə vəzifələrindən azad edilib. 

Fotoda: Mirsaleh Seyidov

Fotoda: Eldar Nuriyev

Hazırladı:Nərmin Balacayeva

Həmçinin oxuyun

Azərbaycanın paytaxtı DƏYİŞDİRİLİR? 

Mayın 25-dək dərs olmayacaq  —  DİQQƏT!

18 mayda bizi nələr gözləyir? - ULDUZ FALI

Avtomobildə bunu edənlər yolda saxlanılacaq — 500 manat cəriməsi var