"Ay qaragüruh, evlənməyin yaşını siz qoymusunuz? "- Əntiqə Rəşid yazır  

 DİN-in Polis Akademiyasının sabiq rəisi, polis general-mayoru Nazim Əliyev özünə toy edib, yeni həyat yoldaşı ilə nikahını da toy məclisində kəsdirib.

 Lap əcəb eliyib, Allah xoşbəxt eləsin!  

 Amma bəzi qaragüruh, artıq bir neçə gündür, generalın “yaxasını buraxmır”. Səbəbləri də budur ki,  generalın  67 yaşı var və evləndiyi xanım  özündən təxminən 35 yaş kiçikdir. 

İlk məqam: Sosial şəbəkələrin “vazkeçilməzi “ olan  “hər şeyə “mız qoyan”,  hər şeyi “qara” görməyə çalışan  “qaragüruh” zümrəsi,  siz heç başınızı Azərbaycandan kənara çıxartmısınız? 

Siz dünya ölkələrində  evlənənlərin  yaş məsələsinin gündəm  olduğunu  görmüsünüz? Lap elə qonşu Türkiyədə,  evlənənlərin “yaş” kimi bir qayğısı olduğunu fərq etdinizmi?   

Siz heç anlayırsınız ki,  insanlara  “baş yoldaşı” ən çox yaşlananda lazım olur? 67 yaşı var, deyə insan oturub ölümünümü gözləməlidir? Bu nə aşağı düşüncədir?

Anlayırsınızmı ki, ömrü insana uca tanrı verir?

 İkinci məsələ:  Axı, xanımın bəydən təxminən 35 yaş kiçik olması sizi niyə narahat edir? Xanım toy şəkillərində xoşbəxt bir seçim etdiyinin sevincini yaşayırsa, siz niyə sinənizi dağıdırsınız?

 Axı, o xanım, sıradan  cahil, geridə qalmış  biri deyil. Xanımın adı  Həcər soyadı  Mirzəyevadır.  

Həmin bu xanım- Həcər Mirzəyeva hazırda Müdafiə Sənayesi Nazirliyinin Milli Aerokosmik Agentliyində Yeni Azərbaycan Partiyasının (YAP) təşkilat xətti üzrə məsul vəzifədə çalışır. 

O, Agentlikdə YAP Binəqədi ərazi təşkilatının sədr müavini vəzifəsini icra edir.

Təhsilinə gəlincə, Həcər Mirzəyeva Azərbaycan Dövlət İqtisad Universitetinin Beynəlxalq iqtisadi münasibətlər fakültəsini bitirib. Daha sonra Finans və Kredit ixtisası üzrə magistratura təhsilini başa vurub. 

Həmçinin oxuyun

Çoxuşaqlı ailələrlə bağlı yeni təşəbbüs: Kimlər müavinət ala bilər?  

Bu şəxslərə pensiya VERİLMƏYƏCƏK 

Qəbul imtahanına necə hazırlaşmalı? – VACİB TÖVSİYƏLƏR  

Yüksək vəzifəyə təyinat BAŞ TUTDU

Üstəlik,  O, tanınmış hərbi-siyasi ailəyə mənsubdur,  gömrük general-mayoru Ehtiram Xəlilovun bacısı qızıdır.  

Anladınız ki, belə ziyalı bir xanımı  nə tovlamaq olar, nə də zorla kiməsə ərə vermək mümkündür…

Bir nigah kəsilir , bir toy -düyün olur, buna sevinmək əvəzinə niyə o andaca “silaha sarılırsınız”?

Evlənənlərin seçimindəki xoşbəxtlik göz önündədir. Yenə də deyirəm, Allah xoşbəxt eləsin, övlad sevinci bəxş etsin!

Son olaraq:  Təxminən 8 il əvvəl  60 yaşlı ehtiyatda olan polkovnik, Hərb Tarixi Muzeyinin rəhbəri Əzizağa Qənizadə də ailə quranda  da sosial şəbəkələrdə qaragüruhçular “şəbeh” çıxartdı, sinələrin cırdılar ki,  Qənizadənin ailə qurduğu Gülşən Hüseynova  özündən 28 yaş kiçikdir. Amma qaragüruhun  “şəbeh”i özünə qaldı. Hazırda Qənizadənin ocağında iki oğul  böyüyür.  Daşı ətəyinizdən, tökün, xalqımızın əziz  qaragüruhçuları, evləmnənə, ev tikənə ancaq xeyir dua edərlər.

 Əntiqə Rəşid