"İranın Ali Rəhbərinin Maduro kimi oğurlanıb aparılması baş tuta bilər" – Politoloqdan açıqlama  

Xəbər verdiyimiz kimi, İran ABŞ-la sazişi rədd edib. Serbiya Prezidenti Aleksandr Vuçiç növbəti 48 saat ərzində ABŞ-ın İrana zərbə endirəcəyinə inandığını bildirib. Həmçinin,“Abraham Linkoln” gəmisinin döyüş qrupu İran sahillərinə girməyə  hazırdır. Amerikanın ən azı altı ağır “C-17A Globemaster III” hərbi-nəqliyyat təyyarəsi Yaxın Şərqədir. Üstəlik, Rusiya və Çin İranı dəstəklədiklərini nümayiş etdirirlər. Bu o deməkdir ki, müharibə qaçılmazdır. Artıq müharibənin miqyası da düşündüyümüzdən daha qorxunc olduğu aydındır. 

Oxu24.com-un suallarını politoloq Turan Rzayev cavablandırıb. 

O bildirib ki, birincisi bu “Abraham Linkoln” eyni zamanda, altı ağır “C-17A Globemaster III” hərbi-nəqliyyat təyyarəsi kimi vasitələrin proseslərə cəlb edilməsi prosesin ciddiliyindən xəbər verir:” İran tərəfi   ABŞ-ın təkliflərini qəbul etmir çünki İran Amerikanın total bir müharibə edəcəyini düşünmür. Yəni, ABŞ-ın böyük bir  ordu ilə İranın müdaxilə edəcəyin düşünmür. Yenə bu məsələnin araçı vasitəsilə   sakitləşəcəyini  düşünür. Düzü, mən də düşünürəm ki, ortada bir total müharibə ehtimal çox azdır. Bilirsiniz, belə bir  müharibə böyük bir vəsait  tələb edir. Bu vəsaitin sponsoru kimi olacaq? Tramp, əksinə birinci və ikinci hakimiyyəti dönəmindəki  fəaliyyətində göstərdi ki, o hakimiyyətin xərclərini azaltmaq istəyir.  Gəldiyimiz nəticə: bu total müharibə əslində Amerikanın xərclərinə ziddir.  Üstəlik , İran elə bəsit bir ölkə deyil ki, onunla müharibə aparmaq asan  olsun. Bəli, bu müharibənin  nəticələri  ABŞ üçün də çox ağır ola bilər.

Həmçinin oxuyun

Azərbaycan və Ukrayna arasında 6 sənəd imzalanıb

Pulunu dollarlarla saxlayanlara şad xəbər 

Bakıda yeni proses: yüzlərlə ailə köçürüləcək - Detallar 

Zelenski Azərbaycandadır - Prezident Qəbələdə qarşıladı - Fotolar 

İran tamamilə qapamış müdafiə müharibəsinə keçərsə, bu ABŞ-ın Əfqanıstanda yaşadıqlarının təkrarı ola bilər. Belə deyək, İran və ABŞ arasında belə bir total müharibə ehtimalının  inandırıcı olacağını düşünmürəm. Uzaq başı,  İranın Ali Rəhbəri Ayətullah Əli Xameneinin  Maduro kimi  oğurlanıb aparılması baş tuta bilər.   Yəni, bu ehtimal daha uyğundur. Nəinki, total müharibə ehtimalı”-deyə politoloq vurğulayıb.

Xatırladaq ki,  dünən ABŞ Prezidenti Donald Tramp İranla razılaşma əldə olunacağına ümid etdiyini bildirib:”Orada dünyanın ən böyük və ən güclü gəmiləri, tam yaxınlıqda yerləşir. Bir neçə gün ərzində ümid edirəm ki, razılaşma əldə edəcəyik”

Əntiqə Rəşid