Şuşa səmasındakı ruhlar: 34 il əvvəl 44 nəfərə məzar olan Mİ-8 helikopteri  

Azərbaycan 34 il əvvəl “Daşaltı” məğlubiyyətindən  özünə gəlməmiş  növbəti bir dəhşətin şahidi oldu .

 Oxu24.com xəbər verir ki,  Ağdam-Şuşa maşurutu üzrə hərəkət edən Mi-8 helikopterinin erməniər tərəfindən partladılmasından 34 il keçir. Qarabağda yerləşən erməni işğalçı qüvvələri tərəfindən helikopterimizin  Stinger raketi ilə (Amerika istehsalı daşınan zenit-raket kompleksi (DZRK), alçaqdan uçan hava hədəflərinin (təyyarə, helikopter, Pilotsuz uçuş aparatı (PUA)) vurulması üçün nəzərdə tutulur. Bir adam tərəfindən daşınan, çiyinə alınaraq atəş açılan, infraqırmızı və ultrabənövşəyi şüalarla idarə olunan, passiv atəş aç-unut prinsipi ilə işləyən raket sistemidir.) vurulması  nəticəsində içərisində uşaq olmaqla 44 nəfər dinc sakin (3-ü ekipaj üzvüdür) terror qurbanına çevrildi.

 Bir çox mənbələr iddia edir ki, “Azal” konserninə məxsus 24137 bort nömrəli Mİ-8T vertolyotu vuran  “Yer-Hava” tipli həmin raket rulara məxsus olub. Həmin kütləvi qətliamdan 33 il keçməsinə baxmayaraq, bu qanlı cinayətə görə heç kim məsuliyyətə cəlb olunmayıb. 

 Dünya aviasiyası tarixində ən böyük mülki vertolyot faciələrindən sayılan bu hadisədən sonra Xocalıda görünməmiş soyqırımı aktı törədildi. Heç şübhəsiz ki, bu cür təxribatçı əməllər Şuşanın müdafiəsini zəiflədir, faktiki işğala şərait yaradırdı. Aradan heç bir ay tam ötmədi ki, ermənilər  Xocalıda böyük bir soyqırım gerçəkləşdirdi.

Qeyd edək ki, bu hadisədən iki ay əvvəl - 20 noyabr 1991-ci ildə ermənilərin Xocavənd rayonunun Qarakənd kəndi yaxınlığında "Mİ-8" helikopterini vurması nəticəsində 22 nəfər və 3 nəfər ekipaj üzvü həlak olmuşdu. Helikopterdə həlak olanlar Azərbaycanın bir çox dövlət rəsmiləri, ictimai-siyasi xadimləri idi.

 Buna baxmayaraq, Azərbaycan ordusunun 44 günlük  haqq savaşı  Şuşa səmasında şəhid olan , o 44 nəfərin də qisasını lazımınca aldı.

 Əntiqə Rəşid

Həmçinin oxuyun

SON DƏQİQƏ! Həmin şəxs tutulub Azərbaycana gətirilir

Ağır qəza: Ölən və yaralılar var

Yeni rektor KİMDİR?

Prezident fərman imzaladı: Bu vəzifəlilər siyahıya daxil edildi