Uşaqların inkişafı üçün VACİB MƏHSULLAR  

Böyüyən uşaq orqanizmi üçün düzgün qidalanma çox vacibdir. Buna görə də ana uşağın gündəlik rasionuna daxil edilə biləcək məhsulları düzgün seçməlidir.

Oxu24.com  gündəlik qida rasionunda azyaşlıların istifadə etməli olduğu məhsulları təqdim edir:

Süd - Sümüklərin inkişafı üçün kalsium və fosfor olduqca vacibdir və uşaq bu maddələri süddən ala bilər. Südün əvəzinə uşağın kalsiuma olan ehtiyacını yoqurt, kəsmik, az yağlı pendir növləri, həmçinin kefir, ryajenka və xama kimi süd məhsulları da ödəyə bilər.

Taxıllar - Taxıllar ən yaxşı şəkildə sıyıq formasında mənimsənilir. Sıyıqlar mineral maddələrin, karbohidratların, lifin, zülalın və vitaminlərin mühüm mənbəyidir.

Təzə tərəvəz və meyvələr - Həm tərəvəzlər, həm də meyvələr çoxlu vitamin və mikroelementlərlə zəngindir. Tərəvəzlərdəki karbohidratlar əsasən yavaş parçalanan nişasta şəklindədir. Meyvələrdə isə karbohidratlar qlükoza, fruktoza və saxaroza formasında olub daha tez mənimsənilir. Bundan əlavə, meyvə və giləmeyvələrdə antibakterial və iltihabəleyhinə təsir göstərən üzvi turşular, aromatik və büzücü maddələr mövcuddur.

Ət - Uşaq orqanizmi ət və balıqda olan kifayət qədər heyvani zülala ehtiyac duyur. Ətin tərkibində B qrupu vitaminləri, H vitamini, fol turşusu və müxtəlif mikroelementlər var. Xüsusilə qaynadılmış az yağlı ət və qaraciyərdən hazırlanan yeməklər faydalıdır. Uşaq menyusu üçün qaraciyərdən sufle, paştet hazırlamaq və ya onu tərəvəz və göyərti ilə birlikdə bişirmək olar.

Balıq - Qida dəyərinə görə balıq ətdən geri qalmır, lakin daha asan həzm olunur. Uşaqlar üçün xüsusilə sudak, siyənək, şuka, dəniz xəşəmi, yayın balığı və treska faydalı hesab olunur.

Əsas məsələ uşağın qida rasionunun balanslı olması və böyümə ilə inkişaf üçün lazım olan bütün maddələri ehtiva etməsidir. Uşağın menyusunda sadalanan məhsullar hər gün, heç olmasa az miqdarda yer alsa, pediatr-dietoloqların fikrincə, nə xəstəlik, nə də çəki çatışmazlığı və ya artıq çəki problemləri yaranmaz.

Həmçinin oxuyun

Bu rayonlarda yaşayanlara XƏBƏRDARLIQ! Qar yağacaq,sel gözlənilir

Prezident onu təltif etdi -SƏRƏNCAM

İşləyən şəxslərə vacib xəbər: bunu bilməyiniz vacibdir

Yüksək vəzifəyə təyinat oldu -FOTO