Dolça QADIN... 55 yaşında,40 İLLİK SƏHNƏ FƏALİYYƏTİ  

1971-ci il,26 yanvar tarixi,Kazımovlar ailəsi...

Bu tarixdə bir qızcığaz dünyaya gəldi.O,qızcığaz ki,doğuluşunu atası Ələsgər kişi istəməmişdi...Hətta, ata doğulan uşağının üzünü də görmək istəməmişdi...6 aylıq dünyaya gələn qızın üzünü atası xeyli müddət keçəndən sonra görür və anidən ona məhəbbət yaranır.Onu müharibəyə gedib,qayıtmayan qardaşına bənzətmişdi...Bu bənzətmə bu qızcığazın taleyində dönüş nöqtəsi olur...Arzuolunmaz uşaq ailənin sevimlisinə çevrilir...

Kimdir bu qızcığaz?

Həmçinin oxuyun

Azərbaycanda bu şəxslərin maaşları ARTIRILIR 

SON DƏQİQƏ! Tehran vuruldu: Xeyli sayda həlak olan var

SON DƏQİQƏ! Ağır qəza: Xeyli sayda yaralı var

Dəvənin hürgücündə görün nə TOPLANIRMIŞ -MARAQLI FAKT

Dünənin qızcığazı bu günün Aygün Kazımovası...Bəli,bu ad özlüyündə bütün brendləri,trendləri,rəsmiyyətləri,zirvələri,titulları əks etdirə  bilən bir isimdir.

Aygün Kazımova bu gün  55 yaşında,40 illik səhnə yükünü çiynində daşıyan bir isimdir.Bu illər təbii ki,heç də hamar və düz olmadı.Aygün illərə,illər Aygünə qarışdı,vuruşdu,yıxıldı,durdu,döyüldü,sevildi,aldadıldı,xəyanətə uğradı,borca salındı... Amma,bütün bunlar onu yolundan döndərə bilmədi...Aygün bütün maneələri keçərək öz Diva zirvəsini qazandı.

Bu gün müasir estradada Aygün Kazımovadan gözəl,səsi daha məlahətli ifaçılar ola bilər və var.Bu,danılmaz faktdır.Amma bir danılmaz fakt da var ki,Aygün Kazımova elə Aygün Kazımovadır.Heç bir mübaliğəsiz,bəzəksiz-düzəksiz...

Aygün Kazımovanı zirvə edən nədir?

Bu ad  sənət üçün lazım olan bütün özəllikləri özündə birləşdirib.Gözəllik,şarm,istedad,şirin səs və ən əsası qadın çəkiciliyi...Yadıma düşmüşkən qeyd edim: Həm də dolça qadın...

Kazımovanın "ƏN"ləri çoxdur,saymaqla tükənməzdir...

Ən çox mahnı çıxaran müğənni,ən çox klip çəkidrən sənətçi,ən çox estetik əməliyyat etdirən ifaçı,ən çox fanat ordusuna malik müğənni,ən çox sənətə pul xərcləyən müğənni və s.

Aygün Kazımova "Hollywood" da dünyaca məşhur reper Snoop Doogla mahnı ifa edib və layihəsinə milyon pul xərcləyən yeganə ifaçıdır...

Kreml səhnəsində,Tofiq Bəhramov adına stadionda,"Kristal Hall"da və s konsertləri onu digərlərindən fərqləndirən bir xüsusiyyət oldu...

Aygün Kazımova haqqında çox yazmaq,danışmaq olar.Ancaq buna lüzum görmürəm.Çünki,Aygün özünün də dediyi kimi,yaxşısı ilə,pisi ilə bu Xalqın gözünün önündə böyüdü və heç nəyi gizlətmədi.

Bu səmimiyyət ona Xalq sevgisi bəxş etdi.Bu sevgi Dövlət hörmətinə qədər qalxdı və Aygün Kazımova Xalq artisti fəxri adına qədər ucaldı!

Sizə ucalıq,sizə zirvə yaraşır,dolça qadın! doğum gününüz mübarək,yollarınız işıqlı,həyatınız hər zaman Aylı,Günlü olsun,bizim Aygün!

İmza: Miri Məcidli

Oxu24.com saytının baş redaktoru