Qarabağda “erməni nəfəsi” bitdi: “Vaqif Xaçatryan” olayındakı xeyir  

 İçi mən qarışıq, çoxumuz  Azərbaycan və Ermənistan arasında əldə olunmuş ikitərəfli razılığa və humanizm prinsiplərinə uyğun olaraq Azərbaycan Respublikasının Cinayət Məcəlləsinin müxtəlif maddələri ilə təqsirli bilinərək ölkəmizdə cəza çəkən Vaqif Xaçatryan, Gevorq Sujyan, David Davtyan və Vigen Eulcekçyan Ermənistana təhvil verilməsinə xeyli qəzəbləndik.

Elə neçə gündür,  buna bir alternativ axtarırdıq, sakitləşmək üçün daha  maraqlı bir faktın açıqlanacağını gözləyirdik. 

 Bu gün nəhayət o  maraqlı faktı  ala bildik.  Azərbaycanın Qarabağ bölgəsində yaşayan 10 erməni və 1 rus onların öz istəkləri əsasında Ermənistana təhvil verilib. 

Məlumatı Ermənistanın  əmək və sosial məsələlər naziri Arsen Torosyan açıqlayıb və hazırda bütün erməni mediası  bu xəbərdən tirajlayır. İctimaiyyət isə   xəbərin təsirindən əməllicə əsəbləşib  və  qəzəbini sosial şəbəkələr üzərindən  yağdırmağa  başlayıb.

Axı Qarabağda qalan 10 erməni ermənilərin “artsax” iddialarının  puç olmasını reallaşdıran  sonuncu ümiddir.   

Həmçinin oxuyun

SON DƏQİQƏ! TƏBİB-ə  rəhbər təyin olundu

Orban getdi, Peter Madyar gəldi: Macarıstanda yeni hakimiyyət Azərbaycanın maraqlarına necə təsir edəcək?  —  TƏHLİL

Nazirlər Kabinetindən yeni QƏRAR:  Sentyabrın 1-dən qüvvəyə minir

Nazirlər Kabineti ÖDƏNİŞLƏRLƏ bağlı QƏRAR VERİB 

İndi artıq  sözün həqiqi mənasında Qarabağın havasını korlayacaq erməni nəfəsi  demək olar ki, cənnətimizdə qalmadı. Bunların çənəsi yerə dəyən qoca qarısından da teror əməli gözləniləndir. Yəqin xatırlayarsınız,  2025-ci il sentyabrın 14-də Xankəndi şəhərinin erməni əsilli sakini 1967-ci il təvəllüdlü Avanesyan Karen Albertoviç yaşadığı yerdən şəhərin yaxınlığındakı meşə massivinə gedərək qabaqcadan orada gizlətdiyi "Kalaşnikov" avtomatını və ona aid patronla dolu 4 sandıqcanı,  eləcə də 5 ədəd qumbaranı götürüb Xankəndi şəhərində keçirilən tədbir yerinə yaxınlaşmaq istəyərkən polis əməkdaşları tərəfindən saxlanıldı. Həmin vaxt K.Avanesyan 3 ədəd əl qumbarası atmaqla və avtomatdan atəş açmaqla polisə silahlı müqavimət göstərdi.

 Amma hadisədən bir il əvvəl - 2024-cü il martın 22-də bu terrorçu Baku TV-yə müsahibə verərkən “sülh göyərçini” olduğunu bildirmişdi. Demişdi ki,  özünü azərbaycanlı  və  bu torpaqlardan getmək istəmədiyini də vurğulamışdı:”16 yaşımda Azərbaycan vətəndaşı oldum. Mən Ermənistan vətəndaşı deyiləm. 30 il əvvəl banda bura gəldi. Çox insanlar qaçqın oldu. Mən Azərbaycan tarixini yaxşı bilirəm. Çünki azərbaycanlıyam”.

 Yəni Qarabağda qalan 10 erməninin günlərin bir günü belə bir terror əməlinə   baş vurmayacağı nə məlum? Beynəlxalq qanunlarla, biz Azərbaycan vətəndaşı olaraq, onun sosial, iqtisadi, hüquqi haqlarını qorumalı, onları pensiya ilə   təmin etməli, vətəndaşlara verilən bütün sosial yardımlarla əhatə etməliydik.Bu da əlbəttə ki, həm vətəndaşlarımızda qıcıq yaradacaqdı,  həm büdcəmizə .

İndi  mənim kimi, Vaqif Xaçatryanın Ermənistana verilməsinə əsəbləşən soydaşlarıma demək istəyirəm ki, siz mənim kimi səbirsiz olmayın:Hər  ziyanda mütləq bir xeyir var, mütləq bir  qazanc var. 

 Əntiqə Rəşid