Aida Eyvazlının filmi təqdim olundu 

"İpək Yolu Mədəni və Tarixi Araşdırmalar" İctimai Birliyinin Qeyri-Hökumət Təşkilatlarına Dövlət Dəstəyi Agentliyinin  donorluğu və Türk Mədəniyyəti və İrsi Fondunun tərəfdaşlığı  ilə ərsəyə gətirdiyi "Sanqi Sur - Zəngəzurdan keçən yol..." sənədli filminin təqdimatı keçirilib. Modern.az xəbər verir ki, Sosial Tədqiqatlar Mərkəzində keçirilən təqdimat mərasimində  ictimaiyyət nümayəndələri, ziyalılar, diplomatik mərkəzlərin təçsilçiləri iştirak ediblər.

İctimai Birliyin rəhbəri Aida Eyvazlı Göytürkün  ssenari əsasında  təqdim olunan  “Sanqi Sur –Zəngəzurdan keçən yol...” sənədli filmi  türk tarixinin  üstünü toz basmış, çox az araşdırılmış Zəngi tayfalarının tarixi haqqında yeni araşdırmadır. Qısa filmdə Zəngi tayfalarının ilk dəfə yaşadığı və yayıldıqları ərazilər, eybi zamanda göstərdikləri qəhrəmanlıqlar və Azərbaycana bağlılıqlarından bəhs olunur. Filmdə Misir, Özbəkistan, Azərbaycandan olan alimlər və araşdırmaçılar öz fikirlərini bölüşüblər. Türkoloq alim Firudin Cəlilov, AMEA-nın  baş elmi işçisi Ramin Əlızadə, Səmərqənd Dövlət Universitetinin dekanı Hazratkul Abroyev, araşdırmaçı jurnalist Hokim Sattori, misirli araşdırmaçı Əhməd Tarbik Zəngi tayfaları haqqında əsaslı məlumatlar veriblər.

Sənədli filmin bir hissəsi  həm də Türk Mədəniyyəti və İrsi Fondunun dəstəyi ilə Özbəkistanın Daşkənd və Səmərqənd şəhərlərində çəlkilib.

Təqdimat mərasimində çıxış edən Qırğızıstanın Azərbaycandakı səfiri cənab Maqsad Mamutkulov, Özbəkistanın Azərbaycandakı səfirinin müşaviri Sancar Mahmudov bildirdilər ki, Türk Dövlətləri Təşkilatının təşəkkül tapdığı bir dövrdə belə tarixi filmin nümayiş olunması gizli türk tarixinə bir işıq salır. Mərkəzi Asiya, Misir və Azərbaycandan bəhs edən tarixi örnəklər oxşar taleli, oxşar xalqların qədim  əlaqələrini sübut edir. Diplomatlar eyni zamanda filmin qırğız və özbək dilinə tərcümə edilməsinin vacibliyini vurğulayıblar.

Filmin layihə rəhbəri  Aida Eyvazlı Göytürk  bildirdi ki, Azərbaycan Respublikası  Qeyri - Hökumət Təşkilatlarına Dövlət Dəstəyi Agentliyinin donorluğu ilə "Özbəkistan və Azərbaycanda yaşayan Zəngi tayfaları: Zəngəzur-Zəngiata türk yurdları"  layihəsi əsasında ərsəyə gələn filmin ictimai yükü çox ağırdır. “Sanqi Sur- Zəngəzurdan keçən yol...” sənədli filmi  həm də türk dünyasının yol xəritəsidir. Bu yolların Zəngəzurdan başlanması və ya Zəngəzura getməsinin sirrini qoruyub saxalayan kitabələrimiz, qədim arxivlərimiz vardır. Bu sənədli film açılmaq ərəfəsində olan Zəngəzura gedən ilk müjdədir. Biz başladıq ki, davamı gəlsin.  Biz  bir türk ailəsi kimi əl-ələ verib, eyni arzu, eyni istəklə bu yola çıxarıqsa, üstünü toz basmış tariximizin tozunu silərək, çox möhtəşəm qəhrəmanlıqları və traixi həqiqətləri üzə çıxarmış olarıq”.

Türküstan.az saytının redaktoru Aqil Camal Türk Dövlətlərinə üzv ölkələrin QHT Platformasının Naxçıvanda elan olunmasından,  terk tarixini araşdıran ictimai birliklərə göstərilən etimad və dəstəkdən danışdı.

Həmçinin oxuyun

Dekabrın 8-i ilə bağlı XƏBƏRDARLIQ

DİN əməliyyat keçirib:Dadaşova saxlanılıb

Hava xəbərdarlığı: Yağış,qar,külək...

Bir ailədən iki qardaş dünyasını dəyişdi- 5 nəfərin öldüyü HADİSƏ

Sosial Tədqiqatlar Mərkəzinin sektor müdiri Əfqan Vəliyev  filmin  bu günümüzlə, türk dünyasının çağırışları ilə səsləndiyini, gənc nəslin  yeni araşdırmalar aparması, öyrənməsi üçün gözəl dərs vəsaiti olduğunu bildirib.

Filmin redaktoru Vəli Əkbər filmin redaktoru, ssenari müəllifi və layihə rəhbəri Aida Eyvazlı Göytürk, quruluşçu rejissoru Vusal Orucov, rejissoru Rəna Yunuslu,  operatorlar Fariz Şıxaəlizadə və Rüstəm Abdullayev, montajçı Rauf Əzimovdur.

Sonda filmin ekranlaşdırılmasına dəstək verən qurumlara "Təşəkkürnamə" təqdim olunub. Təltif olunanlar arasında  Oxu24.com  da yer alıb.