Rəsulzadənin övladlarının acı TALEYİ  - Tarixi faktlar

Azərbaycan Xalq Cümhuriyyətinin qurucularından olan M.Ə.Rəsulzadənin övladlarının həyatı onun öz ömründən də keşməkeşli olub.

Oxu24.com bu paylaşımda onun 4 övladının başına gələn olayları qısa şəkildə nəzərinizə çatdırır:

Qızı Lətifə 1910-cu ildə anadan olub. 1929-cu ildə əslən Lahıcdan olan Damad Müslümzadə ilə ailə qurub.

1939-cu ildə həyat yoldaşını "Müsavat" Partiyası ilə əlaqə saxladığına görə həbs ediblər.

1941-ci ildə isə Lətifə xanımı övladları Firuzə və İşvə ilə birlikdə Qazaxıstana, Semipalatinsk vilayətinə sürgünə göndəriblər. Üçüncü övladı Sona isə xəstə olduğundan sanatoriyada saxlanılıb. Lətifə xanımla qızı İşvə Qazaxıstanda 1943-cü ildə soyuqdan və aclıqdan donub ölür. Firuzə isə təsadüfən sağ qalır. Lətifənin Bakıda qalan qızı Sonadan isə heç bir xəbər alınmır. Ehtimala görə, o da xəstəlikdən sağalmayıb və dünyasını dəyişib.

Həmçinin oxuyun

Nazirlər Kabineti yeni QƏRAR VERDİ

Müşfiq Abbasov bu məşhurun yeznəsi İMİŞ —  DETALLAR  

Su ilə bağlı BƏDBİN PROQNOZ: Bahalaşma və fasiləli rejim GÜNDƏMDƏ  

Mikayıl Cabbarovdan YENİ TƏYİNAT  -FOTO

Digər qızı Xalidə 1916-cı ildə doğulub, anasının ölümündən sonra Qazaxıstanda – Taldı-Kurqanda qala bilmir. Həyatını riskə ataraq 1943-cü ildə sürgündən qaçaraq Bakıya gəlir. Bir müddət Seyid Hüseynin evində qalır, sonra həmin ünvanın nəzarətdə olduğunu hiss edib, Şamaxı istiqamətinə gedir və sonradan onun barəsində heç bir məlumat qeydə alınmır.

Oğlu Rəsul 1914-cü ildə dünyaya gəlib.Texnikumda təhsil alıb. Rəsulun şeir yazmaq istedadı da olub. 1934-cü ildən etibarən təqib edilib. 1938-ci ilin yanvarın 15-də Novxanıdakı bağlarında həbs olunub. Saxlanılmasına əsas belədir: "Məhəmməd Əmin Rəsulzadənin oğludur" və "əksinqilabi iş aparıb". İki dəfə dindirilib, Azərbaycan SSR Xalq Daxili İşlər Komissarlığının Üçlüyünün qərarı ilə 1 mart 1938-ci il qərarı ilə 6 mart 1938-də 24 yaşında güllələnib, əmlakı da müsadirə edilib, yalnız 27 oktyabr 1989-cu ildə bəraət alıb.

Oğlu Azər- Məhəmməd Əmin Rəsulzadə həbsdə olarkən, 1920-ci ildə doğulub.

M.Ə.Rəsulzadə Stalin onu Moskvaya apararkən evə gedib, ailəsi ilə görüşə bilib. İki aylıq uşağın adını dəyişərək (əvvəl adı Əliheydər olub) Azər qoyub. 1937-ci ildə sürgünə göndərilən Azər 1993-cü ildə Qazaxıstanda, Karaqandada dünyasını dəyişib. Novxanı qəbristanlığında dəfn edilib...

ALLAH RƏHMƏT ELƏSİN!