Dövlət Komitəsi: ABŞ-də Azərbaycan bayrağının endirilməsi ilə bağlı yayılan məlumatlar həqiqətəuyğun deyil
18 Noyabr 2026, 12:10
Qaynar xətt:
(+99450) 247 90 86
CƏMİYYƏT
1313
03.06.2025, 18:09
“Azercell Telekom” MMC (“Azercell”) 1 iyul 2025-ci ildən etibarən fakturasız nömrələr (SimSim) üçün yeni şərtlər tətbiq edəcək.
Bu barədə məlumatı İqtisadiyyat.az saytı yayıb.
Bildirilir ki, iyul ayının 1-dən etibarən nömrənin balansına ödəmə kartı ilə 1 manat yükləndiyi zaman nömrənin aktiv qalma müddəti 1 gün olacaq. Elektron ödəniş üsulları ilə 1 – 1,99 manat yükləndiyi zaman da nömrənin aktiv qalma müddəti 1 gün olacaq.
Nömrənin aktiv qalma müddəti yüklənən məbləğə görə aşağıdakı kimi olacaq:
1-1,99 manat – 1 gün;
2-2,99 manat – 2 gün;
3-4,99 manat – 3 gün;
5-9,99 manat – 5 gün;
10-24,99 manat – 10 gün;
25-49,99 manat – 25 gün;
50-99,99 manat – 50 gün;
100 + manat – 50 gün.
Qeyd edək ki, hazırda qüvvədə olan tarifə görə, yüklənən məbləğlərə görə nömrənin aktiv qalma müddəti aşağıdakı kimidir:
1-1,99 manat – 5 gün;
2-2,99 manat – 10 gün;
3-4,99 manat – 20 gün;
5-9,99 manat – 30 gün;
10-19,99 manat – 60 gün;
20-24,99 manat – 90 gün;
25-49,99 manat – 90 gün;
50-99,99 manat – 120 gün.
Məlumat üçün bildirək ki, “Azercell” sonuncu dəfə oxşar qərarı cəmi bir il əvvəl qəbul edib. Hazırkı qaydalar 1 iyul 2024-cü ildən qüvvədədir. Daha əvvəl isə 1 manat yükləndiyi zaman nömrə 7 gün aktiv qalırdı.
Eyni zamanda onu da qeyd edək ki, bu ilin fevral ayından etibarən abunəçilər bir ay ərzində 2 manatdan az balans istifadə etdikləri halda həmin nömrəyə 2 manat məbləğində aylıq xidmət haqqı tətbiq edililir.
Məlumat üçün bildirək ki, “Azercell”in son zamanlar qəbul etdiyi bu qərarlar ölkə mətbuatında və sosial şəbəkələrdə müzakirələrə və bir çox hallarda insanların narazılığına səbəb olub.
Şirkət narazılıqlara cavab olaraq sosial mediada şərhlərə bu cavabı verib: Məlumat üçün bildirmək istərdik ki, 01 iyul 2025-ci il tarixindən etibarən fakturasız (SimSim) xətt sisteminə aid nömrələr üçün nəzərdə tutulmuş ödəniş (danışıq) kartlarının nominalına uyğun olaraq istifadə müddəti tətbiq ediləcək. Əlavə olaraq qeyd etmək istərdik ki, olduğunuz tarifin abunə haqqısı ödənildikdə, balansınıza etdiyiniz ödəniş nominalından asılı olmayaraq, nömrənin xətti tarifin istifadə müddəti bitənədək aktiv qalacaq.Misal olaraq, əgər nömrənizdə “Azercellim” (və ya “Bölgə”, “Gəncsim” və s.) tarifidirsə və balansınıza 2 AZN ödəniş edərək, tarifi yeniləyirsinizsə, bu zaman tarifin istifadə müddəti bitənədək (30 gün) nömrənizin xətti aktiv qalacaq.
Müqayisə üçün bildirək ki, dünyanın əksər ölklərində, o cümlədən də qonşu ölkələrdə mobil operatorların analoji qərarları olsa da, həmin ölkələrdə nömrələrin aktiv qalma müddəti Azərbaycanla müqayisə olunmayacaq həddə çoxdur.
Məsələn, Türkiyənin məşhur “Vodafone” mobil operatorunun nömrələrinin aktiv qalma müddəti ən azı 180 gündür.
Azərbaycanda və qonşu ölkələrdə fakturasız nömrələrin minimum məbləğ yükləndiyi zaman aktiv qalma müddətini təqdim edirik:
“Azercell” (Azərbaycan) – iyulun 1-dən 1 gün;
“Vodafone” (Türkiyə) – 180 gün;
“Turkcell” (Türkiyə) – 185 gün;
“Magticom” (Gürcüstan) – 60 gün;
“Meqafon” (Rusiya) – 90 gün;
“Telecom Armenia” (Ermənistan) – 90 gün. (yeniavaz)
12:03 / 18 Noyabr 2026
21
12:03 / 18 Noyabr 2026
375
11:49 / 18 Noyabr 2026
81
11:43 / 18 Noyabr 2026
56
11:39 / 18 Noyabr 2026
70
11:35 / 18 Noyabr 2026
76
11:32 / 18 Noyabr 2026
79
11:22 / 18 Noyabr 2026
351
11:19 / 18 Noyabr 2026
92
11:15 / 18 Noyabr 2026
77
11:13 / 18 Noyabr 2026
73
11:11 / 18 Noyabr 2026
495
11:08 / 18 Noyabr 2026
85
10:21 / 18 Noyabr 2026
93
10:18 / 18 Noyabr 2026
104
10:14 / 18 Noyabr 2026
102
10:01 / 18 Noyabr 2026
97
09:11 / 18 Noyabr 2026
111
08:32 / 18 Noyabr 2026
138
00:38 / 18 Noyabr 2026
168
23:54 / 17 Noyabr 2026
171
23:36 / 17 Noyabr 2026
204
23:10 / 17 Noyabr 2026
193
© 2026 Oxu24.com Müəllif hüquqları qorunur.