Demokratlar Partiyasından prezidentliyə namizəd Kamala Harris və onun Respublikaçı rəqibi Donald Tramp arasında debatları yayımlayan ABC telekanalının moderatorları ABŞ vitse-prezidentinin tərəfini tutublar.

OXU24.COM  xəbər verir ki, amerikalı siyasi şərhçi Ben Şapiro “Daily Wire” kanalındakı şousunda gizli debat iştirakçılarından danışıb.

"David Muer aktiv debatçı idi, Lindsay Davis fəal debatçı idi və onlar heç vaxt Kamala Harrisin iddialarını sınaqdan keçirmədilər", - Şapiro deyib.

Donald Tramp Kamala Harrislə televiziya debatını dəyərləndirib. O bildirib ki, debat onun bütün siyasi karyerasının ən yaxşısı olub. Siyasətçinin sözlərinə görə, digər insanlar onun çıxışını “böyük qələbə” hesab ediblər.

Bundan əvvəl məlum olub ki, ABŞ prezidentliyinə namizədlərin teledebatlarının moderatorları bir neçə dəfə siyasətçi Donald Trampın səsləndirdiyi faktları yoxlayıblar.