"Püşkatmanın nəticəsindən razı qaldım" - Qurbanov

CƏMİYYƏT

273

30.08.2024, 19:27

Qarabağ”ın baş məşqçisi Qurban Qurbanov Avropa Liqasının Liqa mərhələsinin bugünkü püşkatmasını dəyərləndirib.

OXU24.COM xəbər verir ki, təcrübəli mütəxəssis yeni formatda keçiriləcək mərhələ barədə fikirlərini klub saytına açıqlayıb:

“İlk dəfə yeni formatda keçirilən turnirdə iştirak edəcəyik. Əsas mərhələdə komanda sayı da artırılıb. Hər iştirakçı Avropa Liqasında minimum 8 oyun keçirəcək. Bu, heç də az deyil. Rəqiblərimiz arasında həm “Böyük beşlik” təmsilçiləri, həm tanış komandalar var. İlk dəfə qarşılaşacağımız rəqiblər də azarkeşlər üçün maraqlı olacaq. Liqa mərhələsinin startına qədər vaxtımız var. Bütün rəqibləri yaxından tanıdıqdan, tam analiz etdikdən sonra ətraflı fikir bildirmək mümkündür. Daha diqqətli, daha ciddi olmalıyıq. Hər bir rəqibə qarşı yalnız bir matç keçirəcəyik. Ona görə də xüsusilə ev görüşlərinə daha diqqətli yanaşmalıyıq”.

Həmçinin oxuyun

İlham Əliyev bu gün İrəvanda keçirilən tədbirə videoəlaqə vasitəsilə qoşulacaq

Ailə başçısını itirməyə görə pensiya almaq istəyənlərin NƏZƏRİNƏ!

Kimlər əlilliyə görə əmək pensiyası ala bilər? - AÇIQLAMA

İldırım mövsümü BAŞLADI: Sağ qalmaq üçün bu şərtlərə əməl edin!

Baş məşqçi püşkün nəticəsindən razı qaldığını qeyd edib: “Püşkatmadan razı qaldım. İndi demək olar ki, əksər rəqiblər arasında bir o qədər fərq yoxdur. İstənilən komanda hər bir rəqiblə matçda istədiyi nəticəni əldə edə bilər. Bütün rəqiblərimiz ciddi komandalardır. Qarşıdakı matçlara hazırlaşacaq, komandanı daha sağlam, daha hazır etməyə çalışacağıq. Azarkeşlərimizə yaxşı, maraqlı futbol arzulayıram. Çalışacağıq ki, onlar oyunlarımızdan zövq alsınlar. Onlarla böyük futbolda görüşəcəyik”.

“Qarabağ” evdə “Ayaks” (Niderland), “Olimpik” (Lion, Fransa), “Malmö” (İsveç), “Styaua” (Rumıniya), səfərdə “Tottenhem” (İngiltərə), “Olimpiakos” (Yunanıstan), “Bodo Qlimt” (Norveç) və “Elfsborq”la (İsveç) qarşılaşacaq