"Sədərək"də maşınların üzərində gəzən şəxs xəstəxanaya yerləşdirildi - VİDEO

Sosial şəbəkələrdə bir gəncin “Sədərək” Ticarət Mərkəzinin dayanacağında avtomobillərin üzərinə çıxaraq qəsdən ziyan vurmasını əks etdirən görüntülər yayılıb.

 

OXU24.COM xəbər verir ki, hadisə ilə əlaqədar Daxili İşlər Nazirliyi də reaksiya bildirib.

 

Nazirliyin Mətbuat Xidmətinin əməkdaşı, polis leytenantı Elbrus İbrahimov APA-ya bildirib ki, Qaradağ rayonunda yerləşən ticarət mərkəzlərindən birinin dayanacağında avtomobillərə qəsdən ziyan vurulması ilə bağlı polisə məlumat daxil olub.

 

Həmin şəxs paytaxt sakini 2001-ci il təvəllüdlü V.Rzayev müəyyən edilərək saxlanılıb. Araşdırma zamanı onun psixi sağlamlığının yerində olmadığı müəyyən edilib. Həmin şəxsin ixtisaslaşmış həkim briqadasına təhvil verilərək müalicə mərkəzinə yerləşdirilməsi təmin edilib.

 

Sözügedən görüntüləri təqdim edirik: