SENSASSİYA! Rusiyada terror törədənlərin bir qismi bu ölkəyə qaçıb

Moskva yaxınlığındakı Crocus City Hall konsert zalına basqın edən terrorçular hücumdan sonra vəd etdikləri mükafatı almaq üçün Kiyevə gediblər.

 

Oxu24.com  xəbər  verir  ki, bu barədə Rusiya İstintaq Komitəsi məlumat yayıb.

 

İstintaq Komitəsinin məlumatına görə, cinayətkarların hərəkətlərini onlara təxəllüslə özünü təqdim edən şəxs koordinasiya edib.

 

O, Telegram messencerində onlara səsli mesajlar göndərib.

 

Koordinatorun göstərişi ilə terrorçular cinayəti törətdikdən sonra avtomobillə Rusiya və Ukrayna sərhədinə doğru hərəkət ediblər.

 

Onlar vəd edilən mükafatı almaq üçün Kiyevə gediblər.

 

Martın 22-də axşam saatlarında Moskva yaxınlığındakı Krasnoqorskda Crocus City Hall konsert zalında terror aktı baş verib.

 

İstintaqın məlumatına görə, “Piknik” qrupunun çıxışından əvvəl Dalerjon Mirzoev, Səidəkrami Raçabalizoda, Məhəmmədsobir Fayzov və Şəmsidin Fəriduni avtomatlarla silahlanaraq girişdə ziyarətçilərə atəş açıb, daha sonra hücumu konsert məkanının daxilində davam etdiriblər.

Terror aktı zamanı cinayətkarlar binanı benzinlə yandırıblar, nəticədə konsert zalı tamamilə yanıb.

Martın 23-də səhər saatlarında Bryansk vilayətində terror aktında şübhəli bilinən 4 nəfər saxlanılıb. Ertəsi gün onlar tutularaq mayın 22-dək istintaq təcridxanasına göndərilib.