Xuraman Şuşalı da məktəb travmasından danışdı: “Mənə “qaçqınka” deyirdi” 

“Mənə “qaçqınka” deyib sinfdə alçaldırdı”.

Oxu24.com xəbər verir ki, bunu “Yeni Sabah”a müğənni Xuraman Şuşalı deyib.

O da Ülviyyə Xəlilbəyova kimi məktəb illərində qarşılaşdığı xoşagəlməz hadisəni xatırlayıb. pizza hut

Yeri gəlmişkən, aktrisanın müəllimi barədə paylaşımı birmənalı qarşılanmayıb. Əvvəla, Ü.Xəlilbəyova konkret ad çəkib, hətta hədəfə aldığı müəllimin hansı fəndən dərs dediyini xatırladıb. Üstəlik, onun hansı orta məktəbdə oxuduğu məlum olunduğundan internetdə müəllimin axtarışı başlayıb.

Xuraman Şuşalı da məktəb illərinə dair ağır psixoloji travmadan danışıb.

O bildirib ki, həmin müəlliməni bağışlasa da, üzləşdiyi hal uzun illər yaddaşından silinməyib:

“Müəllim adı hər zaman böyük hörmət daşıyır və müəllimlərin şagirdlərin üzərində böyük haqqı var. Bizə həmişə öyrədiblər ki, müəllim savadlı, örnək insandır. Hətta İslamda da deyilir ki, bir insan sənə bir hərf öyrədibsə, ömrünün sonuna qədər onun haqqı üzərində qalır.

Amma məktəbimizdə direktor müavini vəzifəsini tutan müəllimələrdən biri mənə qarşı ayrı-seçkilik edirdi. Məcburi köçkün olduğumuz üçün mənə münasibəti fərqli idi. Sinifdə hamının yanında mənə “qaçqınka” deyirdi. Lağ edirdi ki, “siz qışda da “basanoşka” geyinib məktəbə gəlirsiniz?!” 6-cı sinifdə oxuyan bir uşağı 30-40 nəfərin qarşısında alçaltmaq müəllim adına yaraşmayan hərəkətdir”.

Xuraman Şuşalı qeyd edib ki, həmin qadın müəllim onu məktəbdən uzaqlaşdırmağa belə çalışıb. Lakin hazırda qarşı kin saxlamır:

“Onu bağışlamışam. Düşünürəm ki, məni incidən insanlar əslində, daha güclü olmağıma səbəb olublar. Bu gün sevilən, insanlara etibar olunan biri olmağımda o çətinliklərin də payı var”.

Müğənni vurğulayıb ki, keçmişdə yaşanan ağrıları geridə qoymaq və həyata şükürlə davam etmək lazımdır. Bununla yanaşı, Xuraman Şuşalı bütün müəllimləri eyni cür qiymətləndirməyin düzgün olmadığını bildirib. O, övladlarının müəllimini nümunə göstərərək, uşaqlarına həm dərs, həm də həyat təcrübəsi aşıladığını deyib

Sənətçi valideynlərin müəllimlərin hər iradəsinə qarşı çıxmasının da doğru olmadığını düşünür:

“Müəllim yeri gələndə uşağa acıqlanmalıdır. Tələbkar olmalıdır. Amma hər şey haqq və ədalət çərçivəsində olmalıdır”.

Xatırlatma: Ülviyyə Xəlilbəyova paylaşımında yazıb: “Yanaqlarım həmişə təbii olaraq qıpqırmızı olurdu. Məktəbin riyaziyyat müəllimi bunu ənlik sanıb dəhlizdə hamının gözü qarşısında saçımı qəddarcasına yoldu və xoşagəlməz ifadələr işlətdi. Digər müəllimlər bunun təbii olduğunu deyəndən sonra da nə üzr istədi, nə də peşmanlıq göstərdi.

Bu hadisədən 20 ildən çox vaxt keçib. Amma İlhamiyyə müəlliməni hələ də nifrətlə xatırlayıram! Unutmadım, unutmaram!”

Ü.Xəlilbəyova Nərimanov rayonundakı T.Həsənov adına 57 saylı tam orta məktəbdə təhsil alıb.

Həmçinin oxuyun

Milli Məclis mühüm qərar qəbul etdi:6 ay sonra qüvvəyə minir

Milli Məclis sürücülərlə bağlı qərar qəbul etdi

Milli Məclis müəllimlərlə bağlı qərar qəbul edib

Avqust ayında qeyri-iş günü nəzərdə tutulmayıb