"Pişik" Güneldən deputatın ona ev verməsi ilə  bağlı açıqlama: "Gözəl-göyçək qızam..."

Xəbər verdiyimiz kimi, "Kristal Abşeron” MTK-nın icraçı direktoru Məhayət Nəbiyev müğənni Günel Ələkbərovaya, məşhur “Pişik” ləqəbi ilə tanınan sənətçiyə ev hədiyyə etdiyi ilə bağlı iddialar yayılıb.

Oxu24.com   xəbər verir ki, "Pişik" Günel İsa Şükürovun verilişində qonaq olan zaman bu iddialarla bağlı ona verilən suala çox maraqlı açıqlama verib.

"Qurban olum gözəl-göyçək qızam da. Camaata binalar hədiyyə edirlər. Mənə indi güya bir ev nədi bəyəm. Sağ olsunlar sənətimə dəyər verirlər. Belədəkiçoxundan yaxşı oxuyuram. Canlı da oxuyuram. Görünüşüm də var. Mənə verilməlidi də hədiyyə.

Oxu24.com  “Kristal” şirkətinin Mətbuat Xidmətinə istinadən xəbər verir ki, ümumiyyətlə “Kristal” şirkəti tərəfindən Günel adlı şəxsə hər hansı mənzil və ya digər daşınmaz əmlak nə hədiyyə edilmiş, nə də satılmışdır.

Qeyd edirik ki, adı çəkilən şəxs şirkətimiz tərəfindən inşa edilən Biləcəri layihəsində yerləşən, lakin şirkətimiz tərəfindən əvvəlcədən satılmış bir mənzili birbaşa “Kristal” şirkətindən deyil, həmin mənzilin qanuni sahibindən əldə etmişdir. Bu əməliyyat şirkətimizdən kənar, tamamilə mülki-hüquqi əsaslarla həyata keçirilmişdir.

Həmçinin oxuyun

İran bu ölkəyə zərbə endirdi 

 ŞAD XƏBƏR: Bayrama görə bu şəxslərə 500 manat veriləcək

Torpağın çıxarışı olsa da, evə niyə çıxarış almaq mümkün olmur?  

Faizlə verilən borca görə polis müdaxilə edə bilərmi?  

Bu kimi uydurma və sensasiya xarakterli xəbərlərin yayılması şirkətimizin işgüzar nüfuzuna zərər vurmaqla yanaşı, eyni zamanda Azərbaycanın ailə dəyərlərinə, xalqımızın mədəni-mənəvi irsinə və cəmiyyətimizdə formalaşmış etik normalara ziddir.

“Kristal” şirkəti bu cür qeyri-etik, böhtan xarakterli və ictimai rəyə mənfi təsir göstərən məlumatların yayılmasını qətiyyətlə qınayır və media nümayəndələrini peşə etikası prinsiplərinə, obyektivliyə və məsuliyyətə riayət etməyə çağırır.

Bu kimi məlumatların yayımının dərhal dayandırılmasını, artıq dərc olunmuş materiallara münasibətdə təkzib və müvafiq düzəlişlərin verilməsini tələb edirik. Əks halda, şirkətimiz qanunvericiliklə nəzərdə tutulmuş bütün hüquqi vasitələrdən istifadə etmək hüququnu özündə saxlayır.

Посмотреть эту публикацию в Instagram

Публикация от oxu24.az (@oxu24.az)